Sakari 9:4 - NQAARIIT NE ROOG

⁴ Kaa koy, o Yaal oxe xan a jaɓin, saŋe ke ten, ta riimand a den kam o maag ole, soo ta raaɓel.

Sakari 9:4 Referans Kwoze

Heseki’el 28:18

Maasandtaa fo mbiñ fo tedu ne wo tooñ mayu ke wo fo njofaƭar ne no njula of. Maaga, suttaam a ndeer of fiɗel, ndax ta raaɓong too fi’aaxoong ndaw ƥor took lanq ke na kid no fop we ƭeetoogoonga.

Heseki’el 26:17

Xan a mberanong a kim a mboy ee: ‹Nam saŋkoorto, nam moocto na xa maag axe, wo teeru fa njegu gon fee, jeg’ina katil took o maag ole, wo fo we ngenna me wo? Kaa o diidlandoogu fop we ngenna no maag ole.

Amos 1:10

Xam fudin fiɗel took saŋe ke mbidna Tiir, ta raaɓ pind no maad ke ten.»

Heseki’el 28:16

O njiriiñ onqe no njula ne wo a taxa o may muut fo a ƭom-yedar too bakaadaa. Suttaaxoong no joong ole Roog soo moocandong, wo mbindel yeeyetax ne, a ndeer a ƥil a sumu jip ake.

Heseki’el 28:8

Xan a mbudnong kam gamb le na saŋkax ale, too xan o xon fa nqon fa nqanqaar ndeer ee ndeer xa maag axe.

Heseki’el 28:2

«Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

Xa peƭit axe 11:4

Na bes fee no fuux le Roog halal fee ɗaxkee tus, o cofel ole mat kaa wataa na fa nqon.

Xa peƭit axe 10:2

Kalal ke leweerna ƭaxee tus, o cofel ole mat kaa wataa na fa nqon.

Esayi 23:11

O Yaal oxe a letna o ɓay um took o maag ole, a sendnoor maat ke. A hebla, ndax saŋe ke Kanaan a yaqel.

Sakari 9:5

Yaa Askalon a ga’kan, xan a diid boo a sendaa, ten oo Gaasa yoo. Ekron itam xan a diid, yaam xan yaakaar um a tas. Gaasa jegkatee o maad, Askalon a fes a pec,