«Wo fee o ƥiy no kiin, ferani o maad oxe Tiir a kim a mboy! Fat o layin ee: Keeke o Yaal oxe na refkaa boo faw a layu: Kaa o reeƭu o anddiloor no ñak sik, may muut fo o and, saq o mosel o jegee sik.
Ii-isra’el we ƥiseena gilaa saax took o hup doole xan a ndefat a yaj no xiixire maak, a njangit no saax le no Kaakanaan we boo Sarepta. We ƥisteena Yeerusaleem, ndefatna Sefarad, xan a njang teeru ke no ɓemb-roog o ñamaak ole Yudaa.
Ten taxu, keeke layum, mi o Yaal oxe Roog fee Hupna fop: ‹Xam in xeet ta songiid a nuun, nuun mbind Isra’el, too xan a toroxand a nuun, a xotit no ndokand naa Hamat farna fo ɓemb-roog o janoon, boo na xur faa na koƥ-a-ƥor alaa Araba farna fo ɓemb-roog o ñamaak.› »
O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.
Maat um a faga, ye Neko fee refna Firawon fee a jenguuna kam Ribla no saax laa Hamat. Neko a sepa saax le Yudaa a bateer ngap parig qarɓeen tadik fo parig nahik xaaliis fa nqoolu fo ngap kilo qarɓeen tadik fo kilo nahik wurus.
Ñaal ne Fiifilista we fop a saŋikkeel a fadiida. Yoqkatee o leng oxaa dimle’na a Tiir fa Sidoŋ, yaam o Yaal oxe xe gefaa Fiifilista we, yoqatin weene no fimb le Kaftoor.
Keeke o Yaal oxe a layu: «Felaam o jaf no Aa-araam we Damaas a caf a tadak boo na nahak sax, ta dak no paaxeer. Kaa ndok no saax laa Galaad, a mokandit wiin waa njelem ngaaƈir. Ten taxu o ɓay es ole yoɗooxna waagee ñak o dal: