Sakari 8:9 - NQAARIIT NE ROOG

⁹ Saqyo njambaar! Nuun we nanaa ndiiki fa lay fa leng kut fee duleer we a yegnitna no gon es, ye a per ake no Mbind es a ndooneel ndax ta maxatinel. Mi o Yaal oxe Hupna fop layun.

Sakari 8:9 Referans Kwoze

Esayi 35:4

Layyo we a qeeñ den a njaqna yee: «Saƭakinooxyo, ba nu saɗar dara, yaam Roog nuun oxey a garaa, ndax ta rabdinoox, a ɓoxot oxuu refna a pi um. Oxe garaa, ten fa xoox um, ndax ta mucil a nuun.»

Safe le no tuleer AGE 2:21

«Layi a Serubabel fee refna gofornoor Yudaa yee: ‹Xam yo’in asamaan fee fo lanq ke.

1 Caloori ke 22:13

Maaga, xan fop of a ñaaƴ, yaa gayoona too reef bargal ke fo kebil ke o Yaal oxe a cooxna a Moyiis ndax ta daawnin a Isra’el. Saƭakinooxi boog too saq njambaar, ba o saɗar dara too ba o diid.

2 Timote 2:1

Wo o mat o ƥees, fapoori yirmande fee refna na Kiristaa Yeesu.

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

Sakari 8:18

O Yaal oxe Hupna fop a daawnaxam fa lay um na xa ƭelem axene:

Sakari 8:13

Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!

Safe le no tuleer AGE 1:12

Serubabel fee o ƥiy Se’alti’el fa Yosuwe fee o ƥiy Yosadak too a ref o saasadax o maak oxe fo we yoqna na xeet fee fop a nanana fa lay fee no Yaal oxe Roog den, o tuleer Age a daawin’ina a den, ne o Yaal oxe Roog den a heblit’uuna o ten. Maaga, xeet fee a ndalfooxa o njeg caƭar no Yaal oxe.

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

1 Caloori ke 28:20

Cinj kaaga, Dawid a ɓaata teen ee: «O ƥees, saƭakinoooxi too jal! Ba o saɗar boog, too ba o diid! O Yaal oxe Roog es xaƴkirang, oxey fa wo too xan a damtong boo yaa calel ke no Mbind ne ten a muukooxkaa.

Yosuwe 1:8

Fat o gen no de’ooxaa fa lay fee no safe le no kebil ke, ɓaalan taa kam of ñaal fo yeng, ndax o reef a paax ke bindeena teen fop. Neene o fadnitkaa kuu hebooxoona, soo fop of a ñaaƴ.

Yosuwe 1:6

Saƭakinooxi too saq njambaar, yaam wo o mat na xaajrandkaa xeet fene saax le daaɓooxuuma fo daan den ee xam ci’in a den.

Esdaraas 6:14

Maak we no Yaawuur we a suura no maq ne fo ngoora, yaam a saƭakinoor a ƭelem ake o tuleer Age fo o tuleer Sakari fee o ndaan Ido a ndaawin’ina a den. A ƈutanda maq ne ne Roog fee Isra’el a heblit’uuna fo ne Kiirus, Daryus fa Artaserkesees, maad we Persi, a ngeblit’uuna.

Safe le no tuleer AGE 2:18

Ngorooxyo a paax ke na xewkaa no ke xotitna xaye refna ñaal qarɓeen ƭik fo ñaal nahkandeer ne no nqool ɓetuu nahkandeer onqe, no ke xotitna na waxtu fee Mbind ne no Yaal oxe a sinjeena. Ngorooxeenoo a paax!

2 Caloori ke 15:7

Yaaga boog, saƭikyo too ba nu nqaƴ xa ƥay nuun da yaar, yaam a pi ake nuun xan a saɗgel.»

Esayi 35:3

Saƭkinyo xa ƥay axe nqijna, too ndifi kuɓay ke ngeesna.