Sakari 8:4 - NQAARIIT NE ROOG

⁴ A koorgi ke fo a nogoy ake xan a moofahin no qel ke Yeerusaleem, oxuu refna a damloox no loq um yaam nogoy um. Mi o Yaal oxe Hupna fop layun.

Sakari 8:4 Referans Kwoze

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Ke bindeena no xe ne’eena YOB 42:17

Yob a ñoow’a boo a deyƭoox soo a xonkaa.

Ke bindeena no xe ne’eena YOB 5:26

Xan o ɗisel xa puum soo xonkaa, ne ngaaf a saxadteel na waxtu um.

1 Sami’el 2:31

Ñaal key a ngaraa kaa um xuufkaa o ñis of, wo fo maak we no ƥasil of, ndax o leng nogoykatee teen.

1 Sami’el 2:32

Xan o genit naqad. Fop a ñaaƴangaa a paax kam xeet fee Isra’el fop oo, no mbind of o mat, a woora yee o kiin fuumkatee maaga muk.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

Yeremi 31:24

Wiin we Yudaa fo we no teeru ke ten fop xan a ngenandoor no saax leene, xooxoox we fo we na molaa fo xa siir den itam.

Sakari 2:4

Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»

A sutax ale 21:19

a inooxatinangaa boo a ñaaƴtaa o loq tafil, oxe gaañna, maalkaand. Kaa watooxkaa rek na congax ale oxeene a jongooxna soo a topatooxin bo ta wod.