Biblia Todo Logo
Bib sou entènèt

- Piblisite -




Sakari 8:3 - NQAARIIT NE ROOG

3 Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

Gade chapit la Kopi




Sakari 8:3
39 Referans Kwoze  

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»


Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.


No ten o mat Roog fo o yaajel um a xawoortu, a refat o kiin.


Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»


Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.


Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.


No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »


Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›


Xan a nomtiid fog we nuun fop ndeeƭna ndeer a saax ake fop. Xan a ƥistiid a den pis mbaat a sareet-xire mbaat a sareet a ƭiife mbaat koŋka mbaat keeleemb boo no joong o tedu le mi refna Yeerusaleem. Keene o Yaal oxe a layu. Keene na refkaa sadax den fa mi, too xam jaɓin nen sadax tuufe-duufe kaa Ii-isra’el we a ƥisiidaa kam Ngenand ne mi na xa ƥaxañ axaa nqoolandeena.


Xam fi boo haahate we wo a nand nen we yaaga, soo aa-as we wo, um fi da nand fo we no camaane miñu kaa. Cinj kaaga, xan o xoyeel ‹Teeru fee no cofel ole› fa ‹Teeru fa ngore’u fee.› »


Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.


Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.


Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »


A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.


Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.


Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.


Paaxeer mbaat yaq fa leng fi’kataand took o joong o tedu le no Yaal oxe, yaam xan o and o Yaal oxe a mayƭand lanq ke ne poofi ke a mayƭanditna o maag ole.


Ey! Nga’yo rek, teeru fa ngore’u fee a suptoox a caga! Wargal rek and’e teen, o cofel a gen teen, ndaa ndiiki, ngol no saasaay a refatu.


A kim oo. A kim a tedu laa fogna na ke no Kookoora we yoo.


Mi fo xa teɓandoong axe o Yaal oxe a cooxaxama, xan i ndef kam Isra’el xa anddiloor fo comlaand no Yaal oxe Hupna fop, genna took o joong ole Siyoŋ.


Xan a ƭat a gen na koƥ-a-ƥor ale, soo o cofel ole a maadooxaa na ƭing ale.


«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›


O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.


Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.


We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»


Keeke refu ke nu mbarna mbi: Naangyo layraa ndigil a ndeer nuun, ngate’taa ndigil no qeloorand ke nuun, ndax jam a jeg.


«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.


A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»


Xam gen a ndeer Ii-isra’el we soo ref Roog den.


«Mi dalnu o maad es took Siyoŋ fee o joong o tedu le mi.»


Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.


Ke widna a Yeerusaleem fop xan a refat o mbelaac, a xotit Geba no ɓemb-roog o janoon boo Rimon no ɓemb-roog o ñamaak. Kaa koy, Yeerusaleem xan a yoɗel, a ref me ta mosna mos o refaa, a xotit no Ndokand ne Bensame boo no Ndokand ngiid naa, a damik Ndokand ne no kooñ ne, a dalit no Taax-took ne Hananel boo na xa nirir axe no maad oxe.


Swiv nou:

Piblisite


Piblisite