Sakari 6:1 - NQAARIIT NE ROOG

¹ Yoɗahinaam a kid es too ga’aam kam mbeeñil a sareet a nahak akaa sutooroogna a ndeer xa coong xa ƭaq, soo xa coong axe a ndef xa coong xanjar.

Sakari 6:1 Referans Kwoze

Dañel 8:22

A njan aleene ga’oona ta ɓoloox, soo xa can xa nahaq xa lakas a sax me ta reeƭna kaa tekit ee maat nahik xan a mbeeñit na xeet feene, ndaa njegkee doole fa mbodu nen fee no maat eetaand ne.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

A pi ake 4:28

Neene o mat a fadnitu ke yuuɓ’oona yaaga no katil of fo no bug of.

Sakari 6:5

Malaaka fee a doonaxam ee: «Den ndefu qeñ nahik ke na asamaan na sutooraa me da ndeeƭna mbaambir no Yaal oxe jegna lanq ke fop.»

Sakari 5:1

Yoɗahinaam a kid es, too ga’aam kam mbeeñil o laxas safe laa na yetaa.

Dañel 4:15

Keene refu ke ɗaaɗuuma, mi o maad Nebukadnesaar. Yaaga boog, wo Beltasaar, tektaam o ƭaaɗ oleene, yaam o leng no yaal-o-and we no maat ne mi waagiraam o tekit o ten, ndaa wo o mat, waagaano, yaam yiif le na Roog fa tedu fee oxe fa wo.»

Esayi 43:13

refin yaaga pes sakaand. O leng waagee o wat tig no ɓay es, too ke um fi’aa, o leng supitkiran.»

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

A kim a tedu ke 33:11

Yuuƥ ke no Yaal oxe o mat mbinqkaand muk, too ke ta ɗaapna xan a ref bo na moos boo moos.

Ke bindeena no xe ne’eena YOB 34:29

A damangaa njaambuur um, an saɗun o xasan? A ɗasnangaa mukit um, an na waagkan o ga? Kaa gayaa qeet ke fo wiin we,

1 Sami’el 2:8

Ten na inaa o toroxu xe yenna a lanq, o ndool onqe deɓeena na siind, ta yoɗatinin, ndax ta moofin a den paam kelfa ke soo a ci a den da lam uum le no ndam onqe. O Yaal oxe jegu a toodook ake njaƭna lanq ke, too took den a diƈu adna fee.

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.

2 Maad we 6:17

Eliise a xeɗa, a lay ee: «O Yaal oxe, kaam xeɗang o wet a kid um, ndax ta ga.» O Yaal oxe a weta a kid ake na surga fee Eliise, soo ta ga ee o joong ole me widna a Eliise kaa may fo pis fo a sareet fiɗel.

Esayi 66:15

O Yaal oxe xey garaa kam fiɗel, a sareet-xire ke ten a nandtaa a und a cegu doole. Fuux ɗomu le ten xan a biltoox nen ƈulfaan fiɗel, soo ta fadin a qaw ale ten kam aal fiɗel.

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»