Sakari 3:9 - NQAARIIT NE ROOG

⁹ Nga’angyo, ɓil le diƈuuma mbaambir Yosuwe oxey. A jega a kid ɓetaa ƭaq akaa ngaanna took ɓil leene refna leng soom. Mi fa xoox es xam bind teen ke wareena o bind. Mi o Yaal oxe Hupna fop layun. No ñaal leng kut, xam watin tooñ ne no saax lene.

Sakari 3:9 Referans Kwoze

Yeremi 50:20

Mi o Yaal oxe kaam ee: Na pe akaaga fo na jamaane faaga, xan njofaƭar ne Isra’el a waaƭeel muu refna, ndaa doonkaand a ngid, bakaad fee Yudaa a naaɓeel, ndaa ga’kaand sen. Yaam xam waasan we um xaƴkaa da ñoow.

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.

A kim a tedu ke 118:22

Ɓil le maamax we a ndeɓ’ina refatu ɓil faraaj le.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Hebre 7:27

Yeesu nandee fo saasadax maak lakas we: Soxla’’ee o eet o ɓoxotanaa a xoox um sadax yaam pakaad um, ne’atiim ta fi’an bes oo bes, soo a doonkaa pakaad ke na xeet um. A sadaxta jaf leng kut, ye ta ɓoxotna a xoox um.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

2 Korint 3:3

Ndigil oo kañ, nuun o mat ndefu o leetar ole Kiristaa a bindna a reefandin no calel in. O leetar oleene koy bindtaand aŋkar, ndaa fo Yiif le Roog fa ñoow jok fee a bindte. O leetar oleene bindaand itam took a alfa ƥil, ndaa kaa bindel took a alfa kaa ndefna cer, kam a qeeñ nuun.

A pi ake 4:11

Keeke refu ke a Pind a Tedu ke a layna na Yeesu: ‹Nuun maamax we, ɓil le nu ndeɓ’ina a refata ɓil faraaj le.›

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Sakari 3:4

Malaaka fee a laya we ndeeƭna mbaambir um ee: «Mbolaneenoo tikoorik toɗgu ke.» Cinj kaaga, a laya a Yosuwe yee: «Ga’aano, watnanaaxoong tooñ of, ndax um rokanong tikoorik xew.»

2 Caloori ke 16:9

O Yaal oxe kaa horooxaa we no lanq ke fop ndax ta saƭkand we a qeeñ den a ndamooxna no ten. Me ta refna koy, kaa o xalaatit nen o ƭof too meene o reefkaa xire’ataa.»

A sutax ale 28:36

Fat o xawin a ƈang wurus fa nqoolu laa saxitna nen mbiɗ. Fat keeke a sexel took um: ‹O Yaal oxe a kesane›, nen yaa ta soƥ’ina yee o anddiloor xoox of o sexnaa.

A sutax ale 28:21

No ɓil jafeñu luu refna, fat gon no leng na xa ƥiy xarɓaxay fo xa ƥiy xa ƭaq axe Isra’el a sexel teen, nen yaa ta soƥ’ina yee o anddiloor xoox of o sexnaa. A ƥil a cafeñu keene koy, xan a ndef betandoor na carind xarɓaxay fo a carind a ƭak ake Isra’el.

A sutax ale 28:11

Fat o waaƭ seesex, da sexanong a kon ake na xa ƥiy axe Isra’el took a ƥil akeene, nen yaa ta soƥ’ina yee o anddiloor xoox of o sexnaa, ɓil luu refna a wadel no njel wurus.

A kim a tedu ke 103:12

Ne batand ne a goƭatiritna fo mudand, neene a goƭatirandtaa a in fo tooñ in.

1 Maad we 1:20

Ndiiki koy, daali maad o yaal es, Ii-isra’el we fop kaa ngaan na wo, ndax o lay a den oxe na rondandkang, a moof no uum-maamaad le no maad oxe o yaal es.