Sakari 3:8 - NQAARIIT NE ROOG

⁸ «Wo Yosuwe fee o saasadax o maak oxe, nan-gilooxi, wo fo saasadax lakas we moofna mbaambir of, yaam kaa nu ndef xa anddiloor ee mexey hebliidaa o tag es, ta ref oxe na xoyeel Dugatin le.

Sakari 3:8 Referans Kwoze

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Esayi 11:1

Xan dugatin a sutoor no fanq le Isay, saqit a hat na paƴ um.

Sakari 6:12

Fat o layin ee: ‹Keeke o Yaal oxe Hupna fop a layu: O koor oxe ne’eena Dugatin oxey. Fop xan a jolit ɗuga a caf um, soo ta max Mbind es, mi o Yaal oxe.

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Esayi 42:1

«O tag es oxe um ci’aa a caf oxey. O ten jilum, too no ten o laaw es a felakinoortu. Kaam fudin Yiif es took um, ta ɓisiidaa qeet ke o cofel.

Esayi 20:3

O Yaal oxe a laya yee: «Ne Esayi fee o tag es a ñaaƴitna o ƥor, too o ñaaƭ reefiran boo xa kiid xa tadaq, ndax ta ref o anddiloor fo mandarga na Misira fa Kuus,

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

Heseki’el 12:11

Layi yee: Kaam ref na nuun o anddiloor. Ke fi’uuma na fadnooxkaa na den: Xan a ƥisel took o hup doole.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Esayi 52:13

O Yaal oxe kaa tee: «O tag es xan a jar, a kañel, a yoɗel soo a ɓoxotel tedaanga faa moƴna o magin.

Esayi 49:5

O Yaal oxe a ga’a o njiriiñ es, Roog es refu doole es. Ndiiki koy, o Yaal oxe moolaxama yaaga rimafulaandeem, ndax um ref o tag um, soo nomtiid xa taan axe Yakoob me ten, fokat xeet fee Isra’el paam um,

Esayi 8:18

Mi fo xa teɓandoong axe o Yaal oxe a cooxaxama, xan i ndef kam Isra’el xa anddiloor fo comlaand no Yaal oxe Hupna fop, genna took o joong ole Siyoŋ.

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

Heseki’el 34:29

Xam sipan a den a ƭing alaa jegna gon. Biim warkatee a den no saax le, too ndefkatee calat no qeet ke.

Heseki’el 24:24

Heseki’el xan a ref na nuun o anddiloor. Xan nu mbesoor deŋ ne ta fesooritna. Yaa keene a xewkaa, xan nu and ee mi refu o Yaal oxe na refkaa boo faw.› »

Esayi 49:3

Kaa layaam ee: «Wo refu o tag es, Isra’el fee um jiriiñooraa, oxe um feeñlitaa o ndam es.»

A kim a tedu ke 71:7

Kaam jaaxɗand jaaku, ndaa wo refu njaɓnooxand es mbooru.

Heseki’el 12:6

Na kid den, xan o gadooxin, sutin kam o niɓaan ole, muur mukit of too ɗeetkiro saax le, yaam kaam bug o ref o anddiloor no mbind Isra’el.»