Sakari 3:2 - NQAARIIT NE ROOG

² Malaaka fee a laya a Saytaane fee o caajamb oxe yee: «Yaasam o Yaal oxe a xasanong, wo Saytaane! Kaam ee yaasam ta xasanong, ten oxe jilna a Yeerusaleem! Ndax Yosuwe feene refee nen o rukit olaa woosteena na fiɗel?»

Sakari 3:2 Referans Kwoze

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

O leetar ole Pool a bindna GIMU WE NGENNA ROM 8:33

An saɗu moof a jambaa we Roog a jilna? O leng saɗiran, yaam Roog o mat ɗeetu a den nen jofu.

Sakari 1:17

Cinj kaaga, malaaka fee a laamtaxam um yegnitahin kene: «Keeke o Yaal oxe Hupna fop a layu: ‹Teeru ke mi xan a mbalahin fo paax ƥor, too mi o Yaal oxe xam yaalahin a Siyoŋ, jilahin a Yeerusaleem.› »

Sakari 2:12

O Yaal oxe Hupna fop lul’axama fa sañ-sañ me no qeet ke njangal’ina a nuun kaa tee: «Oxuu duqna a nuun, a duqa jooƴ a ngid es.»

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

YEGIL MBAAX NE YEESU ne Lik a bindtuuna 4:35

Yeesu a ŋala jini fee, a layin ee: «Naagi muut! Sutooxi no kiin oxene!» Maaga, jini fee a deɓa o koor oxaa kam wiin waa, a sutoox no ten, too fi’iran kaa ɗomuuna.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

A kim a tedu ke 109:31

yaam kaa fod o ndool onqe na ñamaak, ndax ta muclin no we na sertaa a bar um.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mark 1:25

Yeesu a ŋala jini fee, a layin ee: «Naagi muut! Sutooxi no kiin oxene!»

2 Caloori ke 6:6

Kaa koy, jilaam a Yeerusaleem ndax gon es a ref teen soo jil a Dawid ta ɗoxaa a Isra’el fee xeet es.›

YEGIL MBAAX NE YEESU ne Lik a bindtuuna 9:42

Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

Mark 9:25

Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»

Esayi 7:4

Fat o layin ee: ‹Fat o laaw of a dal, ba o saɗar dara, too ba o ñak njambaar yaam fuux le Resin, o Aa-araam oxe fo o ƥeenqe Remaliya, ndefna xa tukit xa ƭaq axaa na suunaa doŋ.

2 Caloori ke 6:5

‹No kaa xotitna no ñaal naa suttuuma xeet es no saax laa Misira, mosiim o jil teeru fa leng ndeer a carind ake Isra’el fop maa maxaneema Mbind naa gon es a ƴufginooreel, too jiliim itam o kiin ndax ta ref o ƭooɗox Isra’el fee xeet es.