Sakari 3:1 - NQAARIIT NE ROOG

¹ Cinj kaaga, o Yaal oxe a feeñlaxam a Yosuwe fee o saasadax o maak oxe, ta geenoox mbaambir malaaka fee no Yaal oxe, too Saytaane a geenoox’a na ñamaak Yosuwe, a jamban.

Sakari 3:1 Referans Kwoze

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

A kim a tedu ke 109:6

Kaa da layanaxam ee: «Fat a fokatel fo o soxodu, o caajamb a fodin na ñamaak.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

1 Caloori ke 21:1

Bes, Saytaane a hebooxaa o fi a Isra’el paaxeer, soo a riñ a Dawid ta lim Ii-isra’el we.

Sakari 6:11

Fat o xot teen xaaliis fa wurus, fi’tin o ndip, soo rokin no xoox le Yosuwe fee o saasadax o maak oxe, too a ref o ƥiy Yosadak.

Sakari 3:8

«Wo Yosuwe fee o saasadax o maak oxe, nan-gilooxi, wo fo saasadax lakas we moofna mbaambir of, yaam kaa nu ndef xa anddiloor ee mexey hebliidaa o tag es, ta ref oxe na xoyeel Dugatin le.

Safe le no tuleer AGE 2:4

Ten taxu mi o Yaal oxe mexe layaa a nuun ee: Ndiiki koy, wo Serubabel, saƭakinooxi, wo Yosuwe fee o ƥiy Yosadak, refna o saasadax o maak oxe, saƭakinooxi, nuun xeet fee no saax le fop, saƭakinooxyo! Ndopyo calel, yaam mexey fa nuun. Mi o Yaal oxe Hupna fop layun.

Safe le no tuleer AGE 1:12

Serubabel fee o ƥiy Se’alti’el fa Yosuwe fee o ƥiy Yosadak too a ref o saasadax o maak oxe fo we yoqna na xeet fee fop a nanana fa lay fee no Yaal oxe Roog den, o tuleer Age a daawin’ina a den, ne o Yaal oxe Roog den a heblit’uuna o ten. Maaga, xeet fee a ndalfooxa o njeg caƭar no Yaal oxe.

2 Caloori ke 29:11

Me ta refna koy fog es, nu mbaratiran o yapatil yaam o Yaal oxe fa xoox um o mat jilu a nuun, ndax nu ngeenooxaa mbaambir um, njalanan, ndef dag um soo ƥoxotan cuuraay.»

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Sakari 2:3

Cinj kaaga, o Yaal oxe a lalaxam faal tafax nahuk.

Sakari 1:13

Maaga, o Yaal oxe a yaala malaaka fee layoogna fa mi fo fa lay fa mbelu.

Sakari 1:9

Maaga, laamtaam ee: «O yaal es, aniin a ndefu?» Malaaka fee layoogna fa mi a doonaxam ee: «Xam lalong we da ndefna.»

Heseki’el 44:15

«Saasadax Leelewi we o mat ndefna xa taan Saadok, topatooxna calel ke no Mbind ne mi ye Ii-isra’el we a nduuxna a koƥ, a ngoƭaam, weene xan a matiidaam, a njalanaxam, a ngeenooxaa mbaambir es, ndax da ƥoxotaam neebam fee fo fo’oy le. Mi o Yaal oxe na refkaa boo faw layun.

Heseki’el 44:11

Kam Mbind ne mi, diidimle soom a ndefkaa, waa payandeena na xa ton-maax axe no Mbind Roog ne, ndax da njalanaa Mbind ne. Xan a nqirsanaa xeet fee cegel ke njagandaneena sadax toxel ke fo sadax lakas ke, too xan a ngeenooxaa mbaambir den, ndax da njalan a den.

Yeremi 15:19

Maaga o Yaal oxe a doonaxam ee: «O nomtooxiidangaa me mi, xam xotatinong no calel es. O jektirandangaa ke jegna o njiriiñ fo xa ƥaral, yaaga xan o ref o coojo’it es. Wiin we Yudaa xan a nomtooxiid me wo, ndaa refee yee wo na nomtooxkaa me den.

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

Esdaraas 5:2

Maaga, Serubabel fee o ƥiy Se’alti’el fa Yesuwa fee o ƥiy Yosadak a inooxa, a ndef no maxaa Mbind Roog ne kam Yeerusaleem, too duleer we Roog a ndeeƭa fa den, a ndimle’aa a den.

1 Sami’el 6:20

Wiin we Bet-Semes kaa layoogu yee: «An waagu boog o geenoox mbaambir no Yaal oxe, Roog fa tedu fene? Ndi maa an a xotkaa, yaa ta inoorna me in?»

A cangatin ale 18:15

O Yaal oxe Roog nuun xan a sutan a nuun a ndeer no fog nuun o tuleer oxaa nandna fa mi, too fat nu nan-gilooxin.

A cangatin ale 10:8

Na jamaane faaga, o Yaal oxe a kesa a carind ale Lewi, ndax da saqaa arka ne no ngiɓoor ne no Yaal oxe, a ndefan o Yaal oxe, a njalanan soo a salanaa xeet fee barke no gon um. Keene a maadu o mbi’aa boo no ñaal roog ne xaye.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Esdaraas 10:18

A ndeer saasadax we ndolnir’ina fo rew jan a jeg’a: Na xa taan axe Yesuwa fee o ƥiy Yosadak fo na xe no fog um: Maseya, Eliyeseer, Yarib fa Gedaliya

Sakari 4:14

Maaga a layaxam ee: «Den ndefu ɗik we ƭuumeena, ngeenooxna mbaambir no Yaal oxe jegna lanq ke fop.»

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu: