Sakari 2:9 - NQAARIIT NE ROOG

⁹ O Yaal oxe fa xoox um xan a refanin saŋe fiɗel naa widuuna, a ref o ndam um a ndeer um.› »

Sakari 2:9 Referans Kwoze

Esayi 19:16

A koom, xan Misira a nand nen o tew. Xan a send yaam diid, yaa o Yaal oxe Hupna fop a yoɗankan o ɓay um.

Sakari 6:15

Xan wiin a inoor koƭu soo a njal no maq ne no Mbind ne mi. Maaga, xan nu and ee o Yaal oxe Hupna fop lulaxam me nuun. Keene xan a jeg, nu nan-gilooxangaa no ndigil o ñuxur no Yaal oxe Roog nuun.

Sakari 4:9

«Xa ƥay axe Serubabel sinju Mbind nene, xa ƥay um na ƈutandkan, too xan nu and ee o Yaal oxe Hupna fop lulaxam me nuun.»

Heseki’el 39:10

Ndaxanikkee xa cuuƭ na koƥ ale too seɓkee a den kam suungaan le, yaam ƥonax ke na ndefkaa umbel ke na fiɗel le. Xan a mbalit o jeg no we mbalit’ina o jeg den soo a njang kalal ke no we njang’ina kalal ke den. Mi o Yaal oxe na refkaa boo faw layun.

Esayi 14:2

Xan qeet mayu a ndimle Ii-isra’el we da nomtoox no saax le o Yaal oxe a ci’na a den, too xan qeet keene a njalantaa a den teen nen dag fo jeefeer. Xan Ii-isra’el we a ndam mbaƭ we ndam’ina a den mbaƭ, too xan a kelfa we ñaatlandoogna a den.

Esayi 11:15

O Yaal oxe xan a weerin a kal ale no maag ole Misira, a ñotombil o xuluɓ ole Ofrat fo o ɓay um, a tasin a paas ɓetuu ƭik na pexey a sumaan ale no haaƭ um boo o jaf a waag o xaañin too xuƥkee.

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

YEGIL MBAAX NE YEESU ne Saŋ a bindtuuna 13:19

Kaam layan a nuun yaaga tig xewafulee, ndax boo ta fadiidna, nu ngim ee ‹mi refu oxe refuuma›.

Sakari 2:8

A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Habakuk 2:17

A ƭom-yedar ake fi’oona a Libaŋ xan a yen took of. Salaxaa muumeen ke, ten taxu xan a ndiidlandong. Keene fop xan a dalong yaam fo’oy le no wiin we ɓaxoona fo a pi a yednu ke fi’oona kam a saax ake, kam teeru ke fo we ngenna a den.

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›

Yeremi 28:9

Kaa koy, a soƥangaa yee o tuleer a yegnita jam, na pexey mbadnandoong naa no ke ta yegnitna ta anditkeel nen oxaa o Yaal oxe a lulna ndigil.»

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

Esayi 33:23

Yaa xa ƥaak axe wo a yandkaa boo ndamkatee a maaw ale ta saƭik too letinkatee a laay a anddiloor, kalal mayu ke nqotteena na xire xan a lasrel. We na laƴaa sax xan a mbog na yaq fee.

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Esayi 13:2

«Sipyo a laay a anddiloor took o joong o haltooxu le. Mbalalooxyo a den, cax a den fo o ɓay, ndax da ndeefit no ndokand ne no garmi ke.

Esayi 10:32

No ñaal leng kut naaga, xan o pañ oxe a geenoox Noob, a ɗaayan o joong ole Siyoŋ o ndoog onqe o kurpeeñ. Kaam ee xan a ɗaayanin ƴoong le Yeerusaleem.

Esayi 48:16

Matiidaamoo, ndax nu nan-giloox kene: No kaa xotitna no mberaand naa mosiim o lay na pet, too a koom alaa keene a xewaa, maadaanum. Ndiiki koy, o Yaal oxe na refkaa boo faw a lulaxam fo Yiif um.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Esayi 4:5

muu refna took o joong ole Siyoŋ fo took no wuu mbokatoorna teen, xan a feeñil eel no ñaal ne fo fo suun fo aal fiɗel no yeng ole. Maaga, o ndam onqe no Yaal oxe xan a muur fop.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Esayi 26:1

A koom xan a kim aleeke a gimel kam saax le Yudaa: «I njega teeru fa saƭku koŋ. O Yaal oxe a sipana a in a muc ale, ta ref tabax fo saŋe mbooru in.

Esayi 33:21

No ndigil, maaga o Yaal oxe a lalitkaa a in katil um. Xan a jeg maaga a ƈufnand fo xa quluɓ xa yaaju, maa a kaal xire ke a ndeefkateerna, too suk maak ke nqaañkatee maaga.

Esayi 60:18

Yo’in leng nankataand no saax of, too yaq fa taamaala njibkatee kam o jegel of fop. A muc ale xan a ref saŋe of, soo a simat a ref begax of.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yowel 2:27

Xan nu and ee mexey a ndeer Isra’el, mi o Yaal oxe Roog nuun, too fa lakas jegee. Nu ndefkatee na gaci boo muk, nuun we xeet es.»

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

Sakari 9:15

O Yaal oxe Hupna fop xan a saytoox xeet um, a maafit fañ we a ƭak ake no suusaand um soo a duut a den. Xan a ƥax fo’oy le no fañ den, wee ndax biiñ fee da yeraa, ta sil took den fop nen fo’oy le na wiiseel no kooñ ke no sadaxand ole.