Sakari 2:8 - NQAARIIT NE ROOG

⁸ A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Sakari 2:8 Referans Kwoze

A kim a tedu ke 17:8

Yetooxaam nen jooƴ a ngid of too saytooxaam yoora a nafir of

A cangatin ale 32:10

O Yaal oxe kaa soƥ a den na koƥ-a-ƥor alaa naagna hundang, a ndeer xa paa’uund xa saɗarnooxu xe. A gisa a den, a topatoox a den, a gay a den nen jooƴ a ngid um.

YEGIL MBAAX NE YEESU ne Saŋ a bindtuuna 14:26

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

2 Tesalonik 1:6

Ndigil oo kañ: Roog kaa rabdaa naqad we na naqadilaa a nuun,

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

YEGIL MBAAX NE YEESU ne Saŋ a bindtuuna 17:18

Ne lultaxamoona na adna fee, neene lultum a den na adna fee itam.

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Sofoni 2:8

«Nanaam a kaañ ake Mowaab fo a ben ake no Aa-amon we, ye da mbenna xeet es soo a inooxanin, ndax da ƥaatoor o fiisel den.

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Mise 5:6

We yoqna na xa taan axe Yakoob ndeer qeet mayu, xan a ndef nen liim laa inoorna no Yaal oxe, nen mbuyaam took daaƭ. Ndoonkee yaakaar den no kiin, ngaɗooxkee no mbindeef.

Mise 4:11

Ndiiki sax qeet mayu a mbokatooranaang, a ndamtin ee: «Fat i ngef a Siyoŋ, a kid in a mbuudaa yaq fee ten!»

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Heseki’el 35:5

Feek kaa o gen cay no fañraa fo Ii-isra’el we, soo maafit a den laƥ ye fa naqad den, ye tooñ den a hupna,

Heseki’el 26:2

«Wo fee o ƥiy no kiin, Tiir kaa jalaa a Yeerusaleem, a damtin ee: ‹A duguñe, ndokand neene no qeet ke! Me mi a ngeleerooxkataa. Xam mayat muut, yaam a fesa a pec.›

Heseki’el 25:15

Keeke o Yaal oxe na refkaa boo faw a layu: «Feek Fiifilista we kaa njimboox no ndabdinax, a ndabdinoox, a ndoon teen a nqeef a Isra’el kam ee kam a qeeñ den, ndax da yaqin kam ngañak den ne refna kili,

Heseki’el 25:12

Keeke o Yaal oxe na refkaa boo faw a layu: «Yaam a pi a tabdinoor ake Edoom a soobooxna took mbind Yudaa, feek kaa gadin a xoox um tooñ ye ta rabdinooxna,

2 Maad we 24:2

Maaga, o Yaal oxe a hebliida a yaj no yaayaq, da njangal a Yoyakim. A ndeeƭa Baababilon fo Aa-araam fo Moomowaab fo Aa-amon. A ngara, a song maat ne Yudaa, ndax da moocandin, ne o Yaal oxe a layit’uuna, a reefandin no duleer we dag um.

Mberaand 20:6

Roog a layaan no ƭaaɗ ole yee: «Andaam kañ ee fo xeeñ xoolu fesoorto, too itam mi xañtong o tooñaam. Ten taxu um xañit o duqin.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Sakari 2:9

O Yaal oxe fa xoox um xan a refanin saŋe fiɗel naa widuuna, a ref o ndam um a ndeer um.› »

Mace 25:45

Xan a doon a den ee: ‹No ndigil, mexe layaa a nuun ee: Ke nu mbi’aneerna o leng oxe moƴna o neew no fog es wene fop, mi nu mbi’aneerun.›

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

Habakuk 2:17

A ƭom-yedar ake fi’oona a Libaŋ xan a yen took of. Salaxaa muumeen ke, ten taxu xan a ndiidlandong. Keene fop xan a dalong yaam fo’oy le no wiin we ɓaxoona fo a pi a yednu ke fi’oona kam a saax ake, kam teeru ke fo we ngenna a den.

Xa peƭit axe 7:2

Gayi xa as es, too xan o ñoow, gay a cangin es nen jooƴ a ngid of.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

Heseki’el 26:20

xam fudnandoorong fo we na mbudooxaa kam gamb le na saŋkax ale, farna fa xeet fee yaaga. Xam gennoorong no qooƭ ke no lanq ke, o nand fo kefatin ke na refkaa boo faw, yoon fo we na mbudooxaa kam gamb le na saŋkax ale, ndax genkataandee. Maaga, xam geekan saax le no ñoow we o ndam onqe.

Heseki’el 38:14

Ten taxu, wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: A koom, yaa Isra’el fee xeet es a ngenkaa no woor, xan o andin.

Esayi 49:19

Te paam o ndik rek, yaqe le wo fo xa kenand axe wo ngefeena tuƈ fo saax le wo fesna a pec, xan a mbiiqat lool no we ngenna teen, soo koy, we mbiitin’oonga a ngoƭong.

Heseki’el 36:11

Xam mayƭand took nuun wiin fo cegel. Xan a ƥaatoox a ndimatir. Xam fi nu ngenatinel nen yaaga, soo moƴ o fi’an a nuun paax ee yaa fa yaaga. Maaga, xan nu and ee mi refu o Yaal oxe.

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Sakari 8:5

Paayo ke na teeru fee xan a may fo mboƥ ngoor fo mboƥ ndew naa na ŋasaa teen.