Sakari 2:4 - NQAARIIT NE ROOG

⁴ Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»

Sakari 2:4 Referans Kwoze

Sakari 1:17

Cinj kaaga, malaaka fee a laamtaxam um yegnitahin kene: «Keeke o Yaal oxe Hupna fop a layu: ‹Teeru ke mi xan a mbalahin fo paax ƥor, too mi o Yaal oxe xam yaalahin a Siyoŋ, jilahin a Yeerusaleem.› »

Mise 7:11

Ñaal ney a garaa naa saŋe ke na teeru fee nuun a maxatinkeel. A koom, xan xa ŋat axe nuun a ƭaayel.

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Yeremi 33:22

Ne xa qoor axe na asamaan a mbaagaandeena o limit mbaat ne lanq ke no maag ole a mbaagaandeena o eedit, neene um mayƭanditkaa xa taan Dawid fee o tag es fo Leelewi we na ndagooxaxam.»

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Esayi 49:20

Kaa o foog’u yee ñakaa xa ƥeef, ndaa xan o nanahin a den da layraa yee: ‹Xeƈiim, riƈatooxi o ndik boog, ndax mi itam um waag o gen!›

Esayi 44:26

Kaam fadnaa fa lay no tag es soo fadnaa padafuleer ke duleer we mi a yegnitna. Kaam layaa a Yeerusaleem ee: ‹Xan o genel›, soo teeru ke Yudaa, um lay a den ee: ‹Xan nu maxatinel›, too xam inatin ke yaq’eena teen fop.

Yeremi 31:24

Wiin we Yudaa fo we no teeru ke ten fop xan a ngenandoor no saax leene, xooxoox we fo we na molaa fo xa siir den itam.

Esayi 33:20

Ɗeetangi a Siyoŋ, teeru fee qew ke in a ndoofandteel. A kid of xan a nga a Yeerusaleem, ngenand jam ne, ƭiif sekitkataand ne, a toodook ake a mbuurkataandeena muk, too xa ƥaak axe mbokitkataand.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

Dañel 1:17

Roog a ci’a xa pes xa nahaq axeene a kortax fo o and o maak no kaa farna na pind ake fo o jeg-yiif. Dañel a doon’a teen a waag o tekit mbeeñil nuu refna fo o ɗaaɗ oluu refna.

Yeremi 1:6

Um doonin ee: «Ey, o Yaal oxe na refkaa boo faw, waagiim fa lay, yaam o njaaƈ refum.»

Esteer 9:19

Ten taxu Yaawuur we ngenna no teeru teɓ ke a ndoofandaa ñaal xarɓaxay fo ñaal nahkandeer ne no nqool Adaar, ta ref na den ñaal o mbumbaay fo o mbelakinax, soo a lultiraa a ƭang.

Dañel 1:4

Mbes keene koy, sik fa leng war’ee ref no cer den, da mos, a njeg yiif, a ƈiƴ, a mbel a qoox, a mbaag o njal no mbind no maad ne, soo da njangnikel lak fee fo a pindooƭ ale no Kaakalde we.

Sakari 1:16

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Esayi 54:16

Ɗeetlooxeen, mi saku o qaaxaw oxe na uufaa fiɗel le soo a jalaa ƥonax kuu ndefna. Kaa koy, mi saku itam o yaayaq oxe na gefaa.

Sakari 14:12

Neeke mat o Yaal oxe a xawitkaa qeet ke na inooxankaa a Yeerusaleem: cer den xan a yastooxaa, too da maad o ñoowaa, a kid den a setooxaa kam a kamb ake den, ɗelem den a fot kam xa ton den.