Sakari 2:12 - NQAARIIT NE ROOG

¹² O Yaal oxe Hupna fop lul’axama fa sañ-sañ me no qeet ke njangal’ina a nuun kaa tee: «Oxuu duqna a nuun, a duqa jooƴ a ngid es.»

Sakari 2:12 Referans Kwoze

Sakari 1:17

Cinj kaaga, malaaka fee a laamtaxam um yegnitahin kene: «Keeke o Yaal oxe Hupna fop a layu: ‹Teeru ke mi xan a mbalahin fo paax ƥor, too mi o Yaal oxe xam yaalahin a Siyoŋ, jilahin a Yeerusaleem.› »

A cangatin ale 32:9

A las ale no Yaal oxe mat refu Isra’el fee xeet um, xa taan axe Yakoob a ndef o jeg um.

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

A kim a tedu ke 33:12

Xeet fee o Yaal oxe a refna Roog den a ƭaaya, xeet fee ta jilna, ndax da ndef lam um.

Yeremi 51:19

Roog fee Yakoob koy nandee fa den, yaam o ten saku fop, moƴtaa sax xeet fee ta jegoodna. Gon um refu o Yaal oxe Hupna fop.

Esayi 41:9

wo fee xottiiduuma no cat adna soo xoytong na xa cegel axe moƴna o liitoox, wo fee layuuma yee: ‹Wo refu o tag es. Kaam jilong too deɓiroong muk›,

A kim a tedu ke 135:4

O Yaal oxe kaa jilan a xoox um a Yakoob, a fi a Isra’el o jeg um.

A kim a tedu ke 82:8

Wo Roog, inooxi hate adna fee, yaam wo jegu qeet ke fop

2 Caloori ke 6:6

Kaa koy, jilaam a Yeerusaleem ndax gon es a ref teen soo jil a Dawid ta ɗoxaa a Isra’el fee xeet es.›

A kim a tedu ke 132:13

O Yaal oxe a jila a Siyoŋ, too a buga ngenand um a ref maaga.

A kim a tedu ke 132:14

Kaa tee: «Maaga o ñootnooxand es a refkaa boo kili. Xam gen teen, yaam bugaanum.

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Sakari 3:2

Malaaka fee a laya a Saytaane fee o caajamb oxe yee: «Yaasam o Yaal oxe a xasanong, wo Saytaane! Kaam ee yaasam ta xasanong, ten oxe jilna a Yeerusaleem! Ndax Yosuwe feene refee nen o rukit olaa woosteena na fiɗel?»

A cangatin ale 32:10

O Yaal oxe kaa soƥ a den na koƥ-a-ƥor alaa naagna hundang, a ndeer xa paa’uund xa saɗarnooxu xe. A gisa a den, a topatoox a den, a gay a den nen jooƴ a ngid um.

Esteer 6:13

Haamaan a wetandooxa o teem Serek fo qaariit ke fop ke dal’uuna. Qaariit um keene njegna o and fa Serek fee o teem a layaan ee: «Mordokay feene o neewandooxanaa o Yaawuur oo. Yaaga boog, fat a woorong ee waagkatino o hup muk, too xan a maafong junjang.»

A kim a tedu ke 105:15

«Ba nu nduq we ɗuumuuma, duleer es weene, ba nu mbi a den paaxeer!»

Esayi 17:14

Boo ta yaarna diid rek na refataa meen, boo ta helko fo feedaa o pañ oxe yee mes. Keene refu a las no we na mbaltaa a in, muj no we na nguytaa a in.

Yeremi 30:16

Kaa koy, fop we na listang xan a listel, too fop we na noonooraa fa wo xan a ƥisel den fop took o hup doole. We na yaqang, xan a yaqel, too we na njaɓaa o jeg of, xam xaƴ o jeg den a jaɓel