Sakari 2:11 - NQAARIIT NE ROOG

¹¹ Nuun Siisiyoŋ we, ñofyo ƥostoox, sutoox teeru fee Babilon.»

Sakari 2:11 Referans Kwoze

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

A pi ake 28:28

Pool a ɓaata teen ee: «Andyo boog ee we ndefeerna Yaawuur a mboga no we taxna waare feeke na muc ale Roog a lultel. Xan da nan-gilooxin!» [

YEGIL MBAAX NE YEESU ne Lik a bindtuuna 2:32

refna a qoolaand ale feeñna kam a saax ake, a ref o ndam Isra’el fee xeet of.»

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Sakari 3:10

A koom, xan nu nqurraa ɗuga ndaxar biiñ ne fo ɗuga ndun ne. Mi o Yaal oxe Hupna fop layun.»

Heseki’el 33:33

Yaa keene layoona a fadnooxkaa, too a fadiida boo a ƴut sax, xan da and ee a jeg’a o tuleer a ndeer den.»

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Esayi 66:19

Xam doon me den o anddiloor sañ-sañ es soo lul no weene ƥostooxna me no qeet ke Tarsis, Puut, Luud, Mesek, Tubal fa Yawan fo na pimb ake liitooxna, muu andoona yee mosee o nan paru na mi too mosee o nga o ndam es. Weene hebluuma xan a mbeeñil qeet keene o ndam es.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

YEGIL MBAAX NE YEESU ne Saŋ a bindtuuna 17:25

Faap fa njofu fee, adna fee andirang, ndaa mi o mat, andaaxoong, too weeke a anda yee wo luliidaxam.

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

A sutax ale 12:49

Kebil leng kut ne a refkaa no xe fogna na xeet fee fo o gataakoon ole refna a ndeer nuun.»

Esayi 48:16

Matiidaamoo, ndax nu nan-giloox kene: No kaa xotitna no mberaand naa mosiim o lay na pet, too a koom alaa keene a xewaa, maadaanum. Ndiiki koy, o Yaal oxe na refkaa boo faw a lulaxam fo Yiif um.

Mise 4:2

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Sakari 1:16

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

Esayi 52:11

Nuun we saqna ƥaxañ ke kesaneena a paɗax ale no Yaal oxe, njangooxyo, ñof o ndet, sutoox a Babilon, too ba nu nduq dara kaa xoolaƭarna. Ƭofityo nqool, yaa nu sutooxan.

Yeremi 50:8

Ƈufyo sutoox a Babilon, inoox no saax le no Kaakalde we! Qustooryo nen a suk pambe kaa adooxanna ged.