Sakari 2:10 - NQAARIIT NE ROOG

¹⁰ O Yaal oxe kaa tee: «Acayo, acayo! Ƈufityo no saax le no ɓemb-roog o janoon, nuun we pasar’uuma na xa saax xa nahaq axe no lanq ke. Mi o Yaal oxe layun.

Sakari 2:10 Referans Kwoze

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Heseki’el 37:27

Xam gen fa den, ref Roog den soo da ndef xeet es.

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

Yeremi 30:19

Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.

Esayi 66:14

Iyo, xan nu nga keene, too a qeeñ nuun xan a ndef no ɗaay, soo xa kiiƈ axe nuun a ñoowatin, nen daaƭ laa na suuƴaa no ndiig.» O Yaal oxe xan a lal dag um a ñamaak um, soo fañ we ten, ta lal a den fuux ɗomu le ten.

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Sakari 14:5

Xan nu naang futuxtux, ndeef na yulanq ale ndeer xa coong axe, retna boo a damik Asal. Xan nu ƈuf ne daan nuun a ƈufit’ina, yaa lanq kaa a yo’nooxna, a soƥ Usiya a refaa o maad Yudaa. Maaga, o Yaal oxe Roog es xan a gar, a yoon fo tedu we ten fop.

Yeremi 31:12

Xan a mbadtiid xa soroxole took o joong ole Siyoŋ. Xan a ƥaxooxiid farna fo paax ke o Yaal oxe a jagandanna a den: bele fee, biiñ fa nqas fee, diwliin fee, a ked ake fo xa siir axe. Den fa qoox den xan a nand nen a ƭing alaa sooreena, ŋeesooxkatee.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esayi 54:1

Wo fee o timar, felakinooxi. Wo fee moseerna o jeg o ƥiy too ñimiro xa ƭomel gaaj, ƴeeli a maak too ref no ɗaay, yaam o Yaal oxe xe layang ee: «Wo o tew oxe waaseena, ndiiki wo hupɗatu o tew oxe na dolooxaa xa ƥiy.»

Esayi 42:10

Ngimanyo o Yaal oxe a kim a qas. Simatteenoo no ke xotitna no cat adna, wo o maag ole, fo nuun ñaañaaƴ we teen, nuun a pimb ake fo we ngenna teen.

A kim a tedu ke 68:18

Roog a jega a sareet-xire cuni-cuni. Kam o tedel um o Yaal oxe xey inoortiidaa no joong olaa Sinayi.

A kim a tedu ke 40:7

Bugiro sadax muumeen mbaat ci’it no kuu ta waagna o ref, sertiro sadax toxel mbaat sadax fa mbaasnoor pakaad. Wetanaxamo nof es.

Esayi 35:10

Neene, we o Yaal oxe a wokitna xan a nomtooxiid, a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a nqetiid fa den, soo naqad fo xa iin a ngoƭ a den.

A sutax ale 29:45

Xam gen a ndeer Ii-isra’el we soo ref Roog den.

Esayi 37:22

Nan-gilooxi xa ƭelem axe layuuma no kaa jofna no ten: Siyoŋ, o njaaƈ o ndoog onqe kaa xeefong, a xaadnooxang, Yeerusaleem fa mosaan fee a jalang, a wulaa xoox.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Sakari 1:16

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Esayi 52:11

Nuun we saqna ƥaxañ ke kesaneena a paɗax ale no Yaal oxe, njangooxyo, ñof o ndet, sutoox a Babilon, too ba nu nduq dara kaa xoolaƭarna. Ƭofityo nqool, yaa nu sutooxan.