Sakari 2:1 - NQAARIIT NE ROOG

¹ Yoɗaam a kid es too ga’aam kam mbeeñil xa can xa nahaq.

Sakari 2:1 Referans Kwoze

Heseki’el 40:3

A ɓisaxam maaga too ga’aam o kiin oxaa o mem um a nandtoogna o mem xanjar. Kaa pokoox’u no ɓay um o ƥaak o liiƥir fo o siind o liiƥir soo a geenoox paam o don-maax ole.

Sakari 1:16

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Mbeeñil 21:15

Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.

Mbeeñil 11:1

Cooxeem o siind o liiƥir olaa na nandtaa o samb, too layel ee: «Reti liiƥ Mbind Roog ne fo o sadaxand ole, too lim we na mbaɗoortaa teen fop.

Heseki’el 47:4

A liiƥahina xa noonoong juni soo a jootnooraam foofi le, too foofi le a garaxam no kuɓay. A ɓaata o liiƥ xa noonoong juni soo a jootnooraam foofi le, too foofi le a garaxam no ndet.

Heseki’el 40:5

Keeke refu ke ga’uuma: A jeg’a saŋe tafil naa wid’ina Mbind Roog ne o saax oo saax. No ɓay ole no kiin oxe a jeg’a o siind o liiƥir olaa fi’na xa noonoong ɓetaa fo leng, o noonoong oluu refna a doon o ɓay ee o noonoong wargal. A liiƥa o yaajel ole no maq ne, ta fi o siind o leng soo geel um a fi o siind o leng.

Yeremi 31:39

O ƥaak o liiƥir ole xan a letnahinel, a jof pec, boo no ñaang laa Gareb, cinj kaaga, ta puloox, a sag Gowa.

Heseki’el 47:3

Ye o koor oxe a sutooxna farna fo batand, a saq’a no ɓay um o ƥaak o liiƥir, too a liiƥa xa noonoong juni. A jootnooraxam foofi le, too foofi le a garaxam na xa pem.

Esayi 54:16

Ɗeetlooxeen, mi saku o qaaxaw oxe na uufaa fiɗel le soo a jalaa ƥonax kuu ndefna. Kaa koy, mi saku itam o yaayaq oxe na gefaa.

Yeremi 48:25

Doole fee Mowaab a fagɗe tak, a naax um a feñexel.» O Yaal oxe layun.

Dañel 7:7

Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.