Sakari 14:3 - NQAARIIT NE ROOG

³ Maaga, o Yaal oxe xan a gomir fo qeet keene, a xire fa den ne ta mer’uuna fi’taa yaa fa xire.

Sakari 14:3 Referans Kwoze

Sakari 12:9

O Yaal oxe kaa tee: «A koom, xam saŋik qeet ke na inooxankaa a Yeerusaleem fop.

Sofoni 3:19

Na jamaane faaga, xam xaw ñaañagadil we wo fop. Xam mucil we na laƴaa, fokat we ndax’eena, fi da simateel, a njeg gon kam a saax ake da njeg’ina gaci fop.

Yowel 3:2

No ñaal kaaga, xam fudniid Yiif es took no faɗ we sax, goor fo rew.

2 Caloori ke 20:15

Yahasi’el a falalooxa yee: «Nan-gilooxaamoo a paax nuun we ngenna Yeerusaleem fo Yuuyudaa lakas we fop fa Yosafat fee o maad oxe. Keeke refu ke o Yaal oxe a layna a nuun: ‹Ba nu saɗar dara, too ba nu ndiid faan fagkatar leeke, yaam refee xire nuun ndaa xire no Yaal oxe yoo.

Yosuwe 10:42

A xawa maad weene, a jaɓ a saax ake den na inax a leng kut ale ta inooxanna a den, yaam o Yaal oxe Roog fee Isra’el ñoxoranoogu Ii-isra’el we.

Yosuwe 10:10

O Yaal oxe kaa firɓand’u a den mbaambir Ii-isra’el we. Ii-isra’el we a nqawa a den a qaw a ƭomu paam Gibe’on, a ndaabtaa a den na ƭat ale jofna Bet-Horon, a mbaraa a den boo Aseka fa Makeda.

Yosuwe 10:14

Ñaal nandu naaga naa o Yaal oxe a jaɓitna a qeƭ no kiin neene mos’ee o jeg, too yaaga boo fa ndiik jegatee. O Yaal oxe fa xoox um koy ñoxoran’u Ii-isra’el we.

Nehemi 4:14

Mbokatooriidyo me in, no mbiñ onqe nu nanitkaa a luuƥ ale. Xan Roog in a ñoxoran a in.»

Esayi 29:7

A yaj ake na saax ake na nqire’kaa fa Ari’el fo we na songkan, a mbidin o kurul-keƥ soo a mbugin o ngef tuƈ, den fop xan a ñuf nen o ƭaaɗ, kaam ee xan a sooƴit nen o ƭaaɗ o paaxeer.