Sakari 13:3 - NQAARIIT NE ROOG

³ Boo o kiin a inooxna, a yegnitaa padafuleer, xan faap um fa ya um we ndimuuna a layin ee: ‹Wo kañ kaa o lafooxel, yaam kaa o geenoox maaɓtaa gon le no Yaal oxe!› Xan faap um fa ya um a mbarin, yaam o coojo’it Roog oxe ta fi’ooxaa.

Sakari 13:3 Referans Kwoze

A cangatin ale 18:20

Kaa koy, boo o tuleer a sedeerna o lay no gon es a ƭelem akaa hebleeranuuma mbaat ta layaa no gon no roog lakas, fat a warel.›

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

Heseki’el 14:9

O tuleer oxe a naxange boo a haƥat o ɗelem, mi o Yaal oxe naxkoogu o tuleer oxeene. Xan o ɓay es a dal took um, too xam suudin a ndeer Isra’el fee xeet es.

Yeremi 23:34

Boo o tuleer mbaat o saasadax mbaat oxuu ta waagna waag o ref na xeet fee a xoyna fa lay es ‹a toq no Yaal oxe›, xam dal took um, ten fo ƥasil um.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

A cangatin ale 33:9

Wo moƴanu a den a faap den fa ya den, fog den fo xa ƥiy den. A nana kebil of, a ngay ngiɓoor of fa den.

Yeremi 23:25

«Mi o Yaal oxe, nanaam ke duleer we na yegnitaa xa maaƥ no gon es a layna. Kaa ndamtin ee: ‹Ɗaaɗaam, ɗaaɗaam!›

Yeremi 28:15

Cinj kaaga, Yeremi a laya o tuleer Hananiya yee: «Nan-gilooxi a paax Hananiya: O Yaal oxe lulirang, soo wo, o riñ xeet fene no ngooloox xa maaƥ.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.