Sakari 13:2 - NQAARIIT NE ROOG

² O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Sakari 13:2 Referans Kwoze

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

Hoose 2:17

Maaga um ɓoxotitkan a ƭing taxar biiñ um soo supit a yulanq Taamaala le o don-maax yaakaar. Maaga a jaaɓitkaa nen ye ta roogaa, nen a koom alaa ta sutoorna Misira.»

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Heseki’el 30:13

Keeke layum, mi o Yaal oxe na refkaa boo faw: Xam yaq pic nitaal pangool ke, suud kam Memfiis roog tefee ndigil ke. Jegkatee o kelwaar kam saax le Misira, too xam dalin teen diid le.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

YEGIL MBAAX NE YEESU ne Lik a bindtuuna 11:20

Kaa koy, a refangaa yee na pexey nqol Roog um raxtaa cini ke, yaaga Maat ne Roog a fadiida me nuun.

Mace 12:43

«Boo jini a xaƴna o kiin, a naaga o retaa na koƥ a beeru, a waaƭaa maa ta ñootnooxna. A ga’angee,

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

Heseki’el 14:9

O tuleer oxe a naxange boo a haƥat o ɗelem, mi o Yaal oxe naxkoogu o tuleer oxeene. Xan o ɓay es a dal took um, too xam suudin a ndeer Isra’el fee xeet es.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

Esayi 2:18

too pangool ke fop xan a ñuf.

A kim a tedu ke 16:4

We na ƈufginooraa pangool ke, coono den soom a ƥaataa. Mi o mat, ɓoxotkiim a den sadax fo’oy, ne’kiim a kon den sax.

Yosuwe 23:7

Ba nu ndokoor fo qeet ke maadna o ndefaa a ndeer nuun. Ba nu ne’aa a kon ake no roog ke den mbaat nu ndaaɓoortaa a den mbaat nu mbaɗooxaa a den mbaat nu ngungaa mbaambir den,

A cangatin ale 12:3

Fat nu njiƭit xa sadaxand axe den, ngef a ƥil ake da mbaɗooxaa, xa taaƴ xa lupe xe Asera fee da mbi’na roog den, nu ndox a den bo dee riw, yaq nitaal roog sexe ke den soo ñuf a kon ake no roog keene.

A sutax ale 22:13

A soƥangaa koy ee o kiin kaa luɓ o kend um njegel, soo njegel neene a gaañoox mbaat ta xon, too o yaal um maadiran, oxe luɓuuna a waraan o rabid.

Mbeeñil 18:2

A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Heseki’el 6:6

Muu nu mbaagna o ngen, teeru ke nuun xan a mbes a pec soo a ñaang a sadaxand ake nuun a luƈtel. Neene, xan xa sadaxand axe nuun a yaqel, a mbaytel, nitaal ke nuun a ngefel soo a mooc, toxir cuuraay ke nuun a nduguñel, soo ke nu njalna a sooƴ.

Heseki’el 12:24

Mbeeñil maamaaɓ mbaat ƭeet naanaxir jegkatee a ndeer mbind Isra’el.

Heseki’el 36:29

Xam mucil a nuun no nqoolaƭar nuun fop. Xam xoy bele fee soo mayƭandin gañ. Ɓisiidkatiim a nuun biim le.

A cangatin ale 18:20

Kaa koy, boo o tuleer a sedeerna o lay no gon es a ƭelem akaa hebleeranuuma mbaat ta layaa no gon no roog lakas, fat a warel.›

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

Hoose 2:19

Xam ñuf no don um a kon ake Baaliin. A kon den ne’kataand sax.