Sakari 13:1 - NQAARIIT NE ROOG

¹ «A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Sakari 13:1 Referans Kwoze

A kim a tedu ke 51:2

Kaa naxooxaa ngenar ne no tuleer Natan me Dawid cinj ye oxeene a seeqna fa Batseeba.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

1Saŋ 5:6

O ten o mat oo, Yeesu Kiristaa, ten reefu na foofi fo fo’oy, refee yee na foofi soom, ndaa na foofi fo fo’oy. Yiif le Roog refna ndigil a seede’anaan.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

1 Piyeer 1:19

ndaa fo’oy fo jegu njiriiñ ole Kiristaa, sadaxteena nen o mbaal o njegee sik fo gak.

Sakari 12:3

A koom, xam fi Yeerusaleem a ref gac meɗu laa ɓoowna qeet ke fop. Den fop xan a mbokatooranin, ndaa oxe na jeemkan o yoɗ xan a gaañoox ƭomu.

A kim a tedu ke 51:7

Ga’angi! Kaam rimel jofaƭar, too naa fudeema fud, o paabakaad refum.

Heseki’el 36:29

Xam mucil a nuun no nqoolaƭar nuun fop. Xam xoy bele fee soo mayƭandin gañ. Ɓisiidkatiim a nuun biim le.

Heseki’el 36:17

«Wo fee o ƥiy no kiin, ye we no mbind Isra’el a ngenaa no fiisel den, a nqoolaƭarandtaan a pesoorooƭ den fo a pi den. A pesoorooƭ den kaa reeƭu mbaambir es nen nqoolaƭar no tew oxaa saqna tap.

Esayi 4:4

Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Yeremi 29:26

O Yaal oxe a dalnaang, wo Sefaniya, o saasadax na seek Yehoyada fee o saasadax, ndax o yetooxaa kam Mbind ne no Yaal oxe o koor oxuu na jiitaa, too a ne’ooxaa o tuleer, o jengin na toɓand fo a ƈang.

Yeremi 33:8

Xam ɓogid a den no tooñ ke den fop da mbakaaditna na mi, waasan a den tooñ ke den fop da mbakaaditna na mi, a siiknoorit a den fa mi.

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

Sakari 12:14

Neene a refitkaa na qaw a lakas ake fop, a qaw oo qaw na ƥak um, rew den a sayoox.»

A paɗax ale 11:36

Kaa koy, boo o dal ole a yenna kam a soon mbaat na ngas, foofi le xan a maad o xoolaa, ndaa oxe na suudkaa o dal ole, xan a xoolaƭar.

Esayi 12:3

Xan nu ƈeewaa fo o ɗaay na cur ake na muc ale,

Mise 5:12

Xam moocand a ndeer nuun pangool ke fo a ƥil a sexe ke nu mbaɗooxaa, too nu ngungkatee mbaambir ke xa ƥay nuun a njalna.

YEGIL MBAAX NE YEESU ne Saŋ a bindtuuna 5:4

yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]