Sakari 12:4 - NQAARIIT NE ROOG

⁴ A koom, xam firɓand pis no we mbugna nqire fa Yeerusaleem, gulmand we na ŋaaykaa a den. Xam fuuland pis ke no qeet ke fop, mbind Yudaa o mat, um yetooxin a paax. Mi o Yaal oxe layun.

Sakari 12:4 Referans Kwoze

Sakari 12:3

A koom, xam fi Yeerusaleem a ref gac meɗu laa ɓoowna qeet ke fop. Den fop xan a mbokatooranin, ndaa oxe na jeemkan o yoɗ xan a gaañoox ƭomu.

A cangatin ale 28:28

Xan o Yaal oxe a xawit a nuun ƭof fo mbuulaanaq fo o ngulmandaan,

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

Sakari 14:15

Xan a qaw a leng kut aleene a dal pis ke fo perkele ke fo keeleemb ke fo xa paam axe, cegel ke na ndefkaa no saŋe ke den fop daal. Ke na dalkaa dal wiin we na dalkaa cegel keene.

Sakari 12:11

A koom, ƭomatax maak xan a jeg kam Yeerusaleem, nen ƭomatax ne took Hadad-Rimon na yulanq alaa Megido.

Sakari 10:5

Goor we Yudaa xan a nqire’taa nen a salma-koor, a nduutaa fañ den nen lopopooƈ le no ped ke. Neene a maafitkaa, yaam mi o Yaal oxe mexey a ndeer den, too sax we na ŋaaykaa pis, a nqetik fa den, gaci soom a nqotitkaa teen.

Sakari 9:8

Xam saŋe Mbind es, widin o kurul-keƥ boo a yaj no xiixire leng no we na ndeefaa meen daawkiran, too o leng garkatee ndax ta toroxand xeet es, yaam mi refatu o kaynaak den.»

Dañel 9:18

Roog es, rungi nof of, nan-giloox! Kaam ee weti a kid of too ɗeet njom ne in fo ne teeru fee jegoodoona a gefteena! Refee yee o ngooloox a pi a cofu in taxu i nqeɗooxang, ndaa yirmande fa maak of soom taxun.

Heseki’el 39:20

Xan nu ngiñ tem no roon ole mi refna pis fo ŋaaŋaay pis, a salma-koor fo goor xiixire we fop. Mi o Yaal oxe na refkaa boo faw layun.

Heseki’el 38:4

Xam serong o nomtoox, rokong xa keɗ na kaaɓaaɓ soo sutong, wo fo xiixire of fop, pis of fo ŋaaŋaay pis of, ndokooxna den fop boo a qiicaa, a yaj a maak no xiixire waa saqna pegoor maak fo teɓ fo laƥ.

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Esayi 37:17

O Yaal oxe, rungi nof of, wet a kid of, ɗeet too nan-giloox xa ñuxur axe Sanxerib a lulitna, ndax ta wentong a den, wo fee refna Roog fa ñoow jok fee.

Esayi 24:21

A koom, xan o Yaal oxe a xeloor fo a yaj ake no yaal kumnax ke ndefna took-ee-took fo maad we na adna fee ndefna took lanq ke.

Nehemi 1:6

rungi nof of, wet a kid of, ndax o jaɓ a qeƭ no tag of! Mexey mbaambir of, ñaal fo o yeng, xeɗanaa Ii-isra’el we dag of, weejlaa tooñ ke i tooñoonga. Mi yoo ƥasil es oo i mbakaada.

2 Caloori ke 7:15

No ke xotitna ndiiki kaa um doon a kid es, rung nof es na qeƭ ake na mbi’teel no mbiñ onqene.

2 Caloori ke 6:40

Ndiiki koy, wo Roog es, fat a kid of a mbetoox, o rung nof of na qeƭ aluu na fi’eel no mbiñ onqene.

2 Caloori ke 6:20

Ñaal fo yeng, ngela fat a kid of a ngaan no Mbind nene, no mbiñ onqene layoona yee xan gon of a gen teen. Nan-gilooxi boog a qeƭ no tag of oxe faambirna fo o mbiñ onqene a xeɗaa.

2 Maad we 6:18

Aa-araam we a ngara me Eliise, soo ta xeɗ o Yaal oxe, a lay ee: «Kaam xeɗang o fuulin a yaj aleeke!» Maaga, o Yaal oxe a fuulna a den, ne Eliise a xeɗit’uuna.

2 Maad we 6:14

a hebla maaga pis fo a sareet-xire fo a yaj no xiixire a cegu doole. Weene a mbadiid’a o yeng soo a mbid teeru fee o kurul-keƥ.

1 Maad we 8:29

Ñaal fo yeng, ngela fat a kid of a ngaan no Mbind nene, no mbiñ onqe layoona yee xan gon of a gen teen. Nan-gilooxi boog a qeƭ no tag of oxe faambirna fo mbiñ onqene a xeɗaa.

Sakari 12:5

A koom, kelfa ke no mbind Yudaa xan a layraa yee: ‹Doole no we ngenna Yeerusaleem oxey no Yaal oxe Hupna fop refna Roog den.›