Sakari 12:2 - NQAARIIT NE ROOG

² «Xam fi Yeerusaleem a ref o feeƭ ole no fuux le mi na waynooraa qeet ke mbiduuna fop. Yaa Yeerusaleem a widkeel o kurul-keƥ, xan Yudaa itam a daaw teen.

Sakari 12:2 Referans Kwoze

Sakari 14:14

Yudaa xan a sedtik a Yeerusaleem, da njaɓ kalal ke no qeet ke mbidna a den fop, kene wurus, keeke xaaliis boo no toki pagkatar.

A kim a tedu ke 75:8

Roog kañ refu o kaahate xe, ten oxe na neewandaa o leng oxe, soo a yoɗ o lakas oxe.

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Mbeeñil 18:6

Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Yeremi 51:57

«Xam waynoor gelwaar we ten fo yaal-o-and we ten, gofornoor ke ten, kelfa ke ten fo a salma-koor ake ten. Xan a ƭaan o ƭaan o yokooxkaand.» O Maad oxe gon um a refna o Yaal oxe Hupna fop layun.

Yeremi 51:7

Babilon kaa reeƭu a tokol wurus no ɓay no Yaal oxe, alaa waynooroogna adna fa muum. Qeet ke a yera na biiñ fee ten, a njiit.

Yeremi 49:12

Keeke o Yaal oxe a layu: «Nga’angyo, we mbar’eerna o yer no feeƭ ole yipna fuux le mi, xan a yer teen, soo wo Edoom o mat o bug o ref teen jaambuur! Ha’aa, refkiro teen jaambuur kañ, waraa o yer teen.

Yeremi 25:17

Jangtaam o feeƭ ole no ɓay no Yaal oxe soo yernin qeet ke ta lul’axama fop.

Yeremi 25:15

Keeke o Yaal oxe Roog fee Isra’el a layaxam: «Xotti no ɓay es o feeƭ olene mayna muut fa biiñ fee no fuux le mi, soo yernin qeet ke um lulkang fop.

Yeremi 8:14

Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.