Sakari 10:9 - NQAARIIT NE ROOG

⁹ Pasaraam a den a ndeer qeet ke, ndaa xan a mbetandoortaam na saax a koƭu keene, a ñoowaa, den fo xa ƥiy den, too xan a nomtooxiid.

Sakari 10:9 Referans Kwoze

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Hoose 2:23

A koom xam jaaɓ a asamaan fee, asamaan fee a jaaɓ lanq ke,

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Esayi 65:23

Nqijkatee na kasaara too ndimkatee xa ƥiy da nqonaa na kid den, yaam kaa ndef ƥasil naa barke’uuma, den fo xa ƥiy den.

Esayi 65:9

Xam sutit na Yakoob o ndaan, kaam ee xam sutit na carind ale Yudaa oxe na lamkaa o joong o tedu le mi. We um jilkaa xan a njegin, dag es a ngenik teen.

Esteer 8:17

No jegel oluu refna fo na teeru fuu refna fo muu kebil ne no maad oxe a fad’ina, ta jeg maaga o ɗaay fo o mbelakinax fo mbumbaay fa xew a ndeer no Yaawuur we. Mayu a ndeer no qeet lakas ke a tuub’ata no Yaawuur we, yaam a sadaraa a den.

Nehemi 1:9

Kaa koy, nu nomtooxiidangaa me mi, ngay kebil es, ndeef a den, yaaga nu ƥisange boo no cat adna sax oo, xam fokatit a nuun maaga, nomtiid a nuun no mbiñ onqe jiluuma, ndax ta ref ngenand es.›

Yeremi 51:50

Nuun we ƥostooxna laƥ ne ten, ndetyo, ba nu ngeenoox! Ke nu ngoƭna fop oo, mbetandooxyo o Yaal oxe, too fat Yeerusaleem a ref na qeeñ nuun.

Amos 9:9

Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

O leetar ole Pool a bindna GIMU WE NGENNA ROM 11:24

Ii, wo fee refeerna o Yaawuur, ndax ref a naaq oliiw malu, ɗegel soo dugandel no oliiw nduufe ne, andaa xil ee refee kaa wiin we a merna o mbi’aa. Yaawuur we ndefu a naaq ŋaƈit ake no oliiw nduufe ne. Ten taxu, den o mat moƴu o yooɓ o ndugandel no ndaxar ne da ƭegit’eena.

A pi ake 8:4

We pictoox’ina koy a mbidooga saax laa fop ndeer o mbiñ fo mbiñ, a yegnitaa Yegil mbaax ne.

A pi ake 8:1

Sool a yoon’a na bar ale Eceen. No ñaal naaga ñagadil maak a rope took o fog ole no gimu we ndefna Yeerusaleem. Gimu waa fop bo ta yoqaa apootar waa, a pictoox’a kam o jegel olaa Yudee fo saax laa Samari.

Esayi 44:21

«Wo Yakoob, wetandooxi a paax kene, wo Isra’el fee o tag es, ba o weec ee kaam sakong, ndax o jalanaxam. Wo Isra’el, weeciroong muk.

Esayi 64:4

Kaa o xetiidaa fo we na mbi’aa cofu, a mbi’tan o ɗaay, too a mbetandooxang, yaa da ñaaƴaa na ƭat of. Kaa koy, fuuxaa, yaam ne i mbakaadna. Neene a refu yaaga boo fa ndiik. O koo, an na mucilkaa a in?