Sakari 10:8 - NQAARIIT NE ROOG

⁸ Xam wuuƴ a den, fokat a den, yaam xam wat a den, too xan a siwit ne da siwtoogna yaaga.

Sakari 10:8 Referans Kwoze

Esayi 5:26

O Yaal oxe xan a sipan qeet koƭu ke o anddiloor, a wuuƴ a den, ndax da ngar, a inoortiid no cat ke no lanq ke. Den oo weene a siipiidaa, ndax da ñof o mbadiid.

Esayi 7:18

Na pe akaaga, xan o Yaal oxe a wuuƴ buƈ ke ndefna no cat ke no xuluɓ ole Niil fo quuraand ke ndefna no saax laa Asuur,

Yeremi 33:22

Ne xa qoor axe na asamaan a mbaagaandeena o limit mbaat ne lanq ke no maag ole a mbaagaandeena o eedit, neene um mayƭanditkaa xa taan Dawid fee o tag es fo Leelewi we na ndagooxaxam.»

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Mace 11:28

Ngaryo me mi nuun fop, nuun we nqijna too meɗel, ndax um ci a nuun a ñootnax.

Sakari 9:11

O Yaal oxe kaa tee: «A koom, xam ɗeet no ngiɓoor ne i ndalnitna fo’oy, sut we ndefna faɗ na nuun no gamb jegee foofi le da ƥek’eena.

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

1 Maad we 4:20

Wiin we Yudaa fo we Isra’el kaa mayit’u nen pep lanq na ƥeeraamb o maag. Kaa ñaamoogu, a yeraa, a mbelakinooxaa.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Esayi 7:19

da ngar a ñipoox muu refna na ƈufnand a kasooxu ke fo na baaƥ ake na xa coong axe fo no kol ke fo na xa suufand axe fop.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»