Sakari 10:4 - NQAARIIT NE ROOG

⁴ Na Yudaa ɓil faraaj le a hatkaa, no ten o reng ole a sutoorkaa. Kaam ee no ten a qali qire’ir ale a hatkaa, aa-adax we fop a sutoor no ten.

Sakari 10:4 Referans Kwoze

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

Sakari 9:8

Xam saŋe Mbind es, widin o kurul-keƥ boo a yaj no xiixire leng no we na ndeefaa meen daawkiran, too o leng garkatee ndax ta toroxand xeet es, yaam mi refatu o kaynaak den.»

A lim ale 24:17

Kaam ga’an, ndaa refee ndiiki. Kaam ɗeetan, ndaa matee. O xoor oley a feeñtiidaa ndeer xa taan axe Yakoob, kaam ee o samb oley a sutoortiidaa ndeer xeet fee Isra’el. A fada Moomowaab we no xoox, soo xa taan axe Set fop, ta maaf a den.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

2 Timote 2:4

O qiixire koy, naagee o gaɗaa yiif um no tig adna, yaa ta bugna o fel oxe adooxanuuna,

Mace 9:38

Nqeɗyo o Yaal a saxad ale boog, ndax ta luliid jaajal na saxad ale ten.»

Yeremi 1:18

Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Esayi 54:16

Ɗeetlooxeen, mi saku o qaaxaw oxe na uufaa fiɗel le soo a jalaa ƥonax kuu ndefna. Kaa koy, mi saku itam o yaayaq oxe na gefaa.

Esayi 49:2

Kaa fi fa lay es laƥ mbeelu, soo a laqaxam yoora o ɓay um. Kaa fi’aam nen a kas a lake laa ta ɓekna na tungaar um.

Esayi 19:13

Kelfa ke Cowaan kaa ƥodax, ke Memfiis a ndef na xa andand. Aa-adax we na carind ake Misira kaa mo’andan.

A kim a tedu ke 118:22

Ɓil le maamax we a ndeɓ’ina refatu ɓil faraaj le.

Esdaraas 9:8

Ndiiki koy, o Yaal oxe Roog in a soga o yirim a in, ye ta xaƴna leng-leng waa maadna ñoowaa na xeet fee in soo a ci a in ngenand kam saate fa tedu fee ten, ndax ta xooland a kid in soo a ɓaat a in doole kam mbaƭ ne in.

1 Sami’el 14:38

Sawul a laya yee: «Matiidyo mene, nuun aa-adax we fop, ndax i mbaag o and na bakaad fum kene a hatu.

Mberaand 49:24

Kaa koy, a qali le ten oxey koŋ, xa ƥay xa cegu doole xe ten kaa mbaane, yaam ƈufig ne no Cegu katil oxe Yakoob, refna o Kaynaak oxe fo Ɓil le andoona yee teen Isra’el a diƈooxu.

YEGIL MBAAX NE YEESU ne Lik a bindtuuna 20:17

Maaga, Yeesu a faambra fa den, a lay a den ee: «Xar a Pind akene a tektu koy: ‹Ɓil le maamax we a ndeɓ’ina refatu ɓil faraaj le.›

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

1 Piyeer 2:6

Yaam a laye kam a Pind a Tedu ke yee: «Mexe doonaa kam Siyoŋ ɓil maxir le jiluuma, ta ref oxe moƴna o jeg o njiriiñ. Oxuu gimna no ten, sedkee muk.»

Yeremi 51:20

O Yaal oxe kaa tee: «Wo Babilon, kaa o reeƭu na mi o leede, ƥonax nqire’ir. Wo mokandtum a saax a mayu, yaqtong maat.

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.