Sakari 10:3 - NQAARIIT NE ROOG

³ O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.

Sakari 10:3 Referans Kwoze

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

Sofoni 2:7

A ƥeeraamb akeene xan a ndefan we yoqna no mbind Yudaa. Meene a mbugko ngayaa, soo no yeng ole, da mbondook kam pind ke Askalon. O Yaal oxe Roog den xan a topatoox a den, a supit o roxanqol ole den.

Yeremi 25:34

Nuun ɗooɗox we, iinyo too mbuuq, nuun yaal xa siir axe, mbirkilooxyo a lanq, yaam ñaal ke nu nqiriskeel soo pasarel a mbadiida. Xan nu yen nen o ƥaxañ o cegu njiriiñ.

Xa peƭit axe 21:31

Pis kaa humneel yaa fa xire, ndaa o Yaal oxe na cooxtaa o ndam onqe.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

Ruut 1:6

Nowemi a yegta na xa saawit axaa Mowaab ee o Yaal oxe a ƴufgiida xeet um ye ta ci’na a den ndiig mbaax. Maaga, a bufooxa ndax ta nomtoox no saax laa Yudaa, ten fo seemir we ten.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

Sofoni 1:8

O Yaal oxe kaa tee: «Na bes fee na sadax fee mi, mi o Yaal oxe, xam xaw kelfa ke fo xa ƥiy axe no maad oxe fo fop we na ndokooxaa tikoorik kaa andaandeena meen.

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.

Yeremi 25:12

Yaa xa kiid qarɓeen ɓetuu ƭik axe a mbadnooxkaa, xam dal took o maad oxe Babilon fa xeet um yaam tooñ den, dal took saax le den um taskaa boo kili. Mi o Yaal oxe layun.

Yeremi 11:22

Kaa koy keeke layum, mi o Yaal oxe Hupna fop: Nga’angyo, xam dal took den! Xan laƥ a ñaam mbes ke den, biim a war xa ƥiy xa koor axe fo xa tew axe den.

Yeremi 10:21

Ɗooɗox we na xeet fee kaa mbanxoy. Mbaaƭee o Yaal oxe. Ten taxu nqenɗee, too we da ƭoxoogna fop a pasare.

Esayi 24:21

A koom, xan o Yaal oxe a xeloor fo a yaj ake no yaal kumnax ke ndefna took-ee-took fo maad we na adna fee ndefna took lanq ke.

Esayi 10:12

Kaa koy, mi o Yaal oxe, yaa um ƴutkaa calel es took o joong ole Siyoŋ fo na Yeerusaleem, xam xaw o maad oxe Asuur magnandooxna no xeeñ um, a doon teen a ga’atinoox,

A kim ale na kim ake 1:9

Ey, wo fee buguuma, kaam nandandtang wajan fee na humneel na sareet ale Firawon fee.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Dañel 11:32

Xan a soobaa wiin we mbesna a cinj ngiɓoor tedu ne, da saƭik teen. Kaa koy, fop we andna a Roog xan a saƭik no damax den.

Ke bindeena no xe ne’eena YOB 39:25

A luuƥ ale a jibangaa, kaa ŋexelaa. Kaa fodaa koƭu, a duñnooxaa a ñoq ale, xa buuq axe no aa-adax we fo combol le.

Heseki’el 34:11

Keeke layum, mi o Yaal oxe na refkaa boo faw: No ke xotitna ndiiki, mi fa xoox es na bugko topatooxaa paal es, gayaa a den.