Sakari 10:2 - NQAARIIT NE ROOG

² Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

Sakari 10:2 Referans Kwoze

Mace 9:36

Yaa ta ga’na wiin mayu waa, a yuɗ’aan lool, yaam kaa nqij’u too a yogorlooxaa nen paal kaa njegeerna o kaynaak.

Habakuk 2:18

Xar nitaal roog sexe a ɗaxu? O seesex doŋ sexun. Xar nitaal njawne a ɗaxu? Xa toonanqol um xa maaƥ oo. Nam o seesex a waagu boog o gaɗit a xoox um no ke ta sexna, na roog faa ta fi’oodna, too waagee fa lay?

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.

Yeremi 27:9

Nuun koy, ba nu nan-giloox duleer we nuun, ɗeet we nuun, ɗaaɗaaɗ we nuun, maɗag we nuun, ñaañango we nuun, den we na layaa a nuun ee: ‹Nu ndagooxkee o maad oxe Babilon.›

Mberaand 31:19

Laban koy kaa ruusik’u paal ke ten, Yakoobiin a ndef no mbind ne a ngebooxaa. Rakel a guuɗa teex ke faap um.

Heseki’el 34:8

Ne ta wooritna yee mexe ñoowaa, mi o Yaal oxe na refkaa boo faw layun, feek paal ke mi kaa saanqooxaa, a ndefat muud no ƥaaɓaan ke na koƥ ale took o ñak o kaynaak, feek gaynaak we mi topatooxoogee dara paal ke mi, feek gaynaak we a qoox den soom a ngayoogu, too ngayoogee paal ke mi,

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Heseki’el 21:21

Godi na ñamaak, god na janoon, wo laƥ mbeelu ne, wiril weel le wo muu refna!

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 51:23

Wo mokandtum o kaynaak fo o siir um, o qooxoox fo qoox um, gofornoor ke fo kelfa ke.

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Yeremi 37:19

Taa duleer we nuun boog yegnoogna a nuun padafuleer ee: ‹O maad oxe Babilon songiidkee a nuun mbaat saax lene?›

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Yeremi 28:15

Cinj kaaga, Yeremi a laya o tuleer Hananiya yee: «Nan-gilooxi a paax Hananiya: O Yaal oxe lulirang, soo wo, o riñ xeet fene no ngooloox xa maaƥ.

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Yeremi 14:13

Doonaam ee: «Ey, o Yaal oxe na refkaa boo faw, duleer we we layaa a den ee: ‹Xire dalkee a nuun, too biim jegkee me nuun, yaam jam fa miñu Roog a ci’kaa a nuun mene sax sax.› »

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Yeremi 8:11

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Esayi 46:5

«An nu nandanditkaxam soo ndendandtaam o ten? An nu mbodranditkaxam ndax i nand?

Esayi 44:9

We na sexaa nitaal ndefee dara, too calel ke den a mos mos ƭaxee dara. Den ndefu seede den, seede waa mbaageerna a ka, too o and refee na den. Ten taxu yoo xan a sed ɓot.

Ke bindeena no xe ne’eena YOB 21:34

Xar taxu boog nu yaalaxam a yaal a cegee njiriiñ? Kuu nu mbaagataxama ndoon xa maaƥ xa ƥor oo.

Ke bindeena no xe ne’eena YOB 13:4

Nuun o mat, kaa nu ngulaa o moon took njong, ndef fan sirkañ, nuun fop.

1 Maad we 22:17

Maaga, Mikaya a laya yee: «Kaam ga xeet fee Isra’el fop a pasaroox took xa coong axe nen ged laa jegeerna o kaynaak. O Yaal oxe a laya yee: ‹Njegatee o aa-adax, fat oxuu refna a xaad no mbind um na jam.› »

Haahate we 18:14

Goor ɓetuk we ngorook’ina saax le Layiis a laya fog den ee: «Ndax nu anda yee a jega no leng no pind kene o jamb fo nitaal pangool fo o daaƴ fo nitaal naa laareena soxon xaaliis? Ndiiki koy, nu anda ke nu mbarna o mbi!»

A lim ale 27:17

ta ref kelfa faa na waagkan o ɗox no kuu refna, ndax nandkeeyo fo paal kaa njegeerna o kaynaak.»

Mark 6:34

Yaa Yeesu a sutooxna suk naa, a ga’a wiin mayu. A yuɗ’aan lool, yaam kaa nand’u nen paal kaa njegeerna o kaynaak. A dalfooxa o ref no jangnaa a den mayu.

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

A cangatin ale 13:2

«Xeƈa na bes fa leng, xan o tuleer mbaat o maɗag a feeñit a ndeer nuun soo a yegin a nuun o anddiloor mbaat com’andtu,

Esayi 41:29

No ndigil, den fop ndefee tus, too a pi den xa koɓong oo. Xa taaƴ axe den nqeñ ƥor fo xa koɓong a ndefu.»

Esayi 44:25

Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.

Yeremi 27:10

Xa maaƥ xa ƥor a yegnaa a nuun. Nu nan-gilooxangaa a den koy, xan nu ƥisel maa goƭna saax nuun, yaam xam raxit a nuun teen soo nu saŋkoox.

Yeremi 27:14

Ba nu nan-giloox fa lay no duleer we na layaa a nuun ee: ‹Nu ndagooxkee o maad oxe Babilon!› Xa maaƥ xa ƥor a yegnaa a nuun.