Sakari 10:10 - NQAARIIT NE ROOG

¹⁰ Xam nomtitiid a den no saax laa Misira, korolit a den Asuur, dalnatin a den boo no saax le Galaad, a jof Libaŋ, da siw boo o genand a ɓoowaa a den.

Sakari 10:10 Referans Kwoze

Hoose 11:11

Xan a inoortiid Misira nen tiiƭ, a ndaprapnaa, a inoortiid no saax laa Asuur nen a nuukuur. Xam nomtiid a den kam pind den. Mi o Yaal oxe layun.»

Sakari 8:7

Xam muclit xeet es no saax le no batand fo no le no mudand.

Mise 7:14

O Yaal oxe, gayti xeet of o loq o gayir ole wo, o siir ole jegoodoona, kesooxna kam lanq maasu ke ndeer a ƭing ake! Fat da suuf kam Basan fo kam Galaad, nen camaane kaa yaaga!

Abjaas 1:20

Ii-isra’el we ƥiseena gilaa saax took o hup doole xan a ndefat a yaj no xiixire maak, a njangit no saax le no Kaakanaan we boo Sarepta. We ƥisteena Yeerusaleem, ndefatna Sefarad, xan a njang teeru ke no ɓemb-roog o ñamaak ole Yudaa.

Yeremi 50:19

Cinj kaaga, xam nomtiid a Isra’el no ngenand um, ta suufaa took Karmel fo kam Basan, a giñ tem took o joong ole Efrayim fo kam Galaad.

Yeremi 22:6

Keeke o Yaal oxe a layu no kaa jofna no mbind no maad ne Yudaa: «Kaa o nandaam nen xa coc axe Galaad, nen o jul ole Libaŋ! Kaa koy, ndax fi’kiroong a koƥ-a-ƥor, teeru faa o leng a geneerna?

Esayi 60:22

A carind ale moƴna o neew xan a ax wiin cuni-cuni, ale moƴna o hees a refat xeet fa njegu doole. Keene um ñofkaa o fi, mi o Yaal oxe, yaa hap um a fadna.»

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.