Sakari 10:1 - NQAARIIT NE ROOG

¹ Boo a sarandam a fadiidna, nqeɗyo o Yaal oxe a teƥ, too yaaga xan a hiiñ. Xan a deɓan a nuun boo a qaandiind ake a ndaxraa, oxuu refna, ta saxin o qol um.

Sakari 10:1 Referans Kwoze

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

Heseki’el 36:37

Keeke layum, mi o Yaal oxe na refkaa boo faw: Xam xaƴahin Ii-isra’el we da ƈufginooxaam too xam jaaɓ a den yaa um mayƭandkaa a den boo nen ged.

Esayi 30:23

Maaga, xan Roog a deɓ took ax ke o ɓaxkaa no lanq ke, too ñaamel ke lanq ke a mbatkaa xan a mbaax soo a mbel. A koom, xan xa siir axe wo a suufik kam xa suufand xa yaaju.

A kim a tedu ke 65:9

We ngenna na adna a ndiida boo no we no cat adna yaam xa anddiloor axe wo. Kaa o ƴeelnooraa wiin we fop, a xotit no batand boo no mudand.

A cangatin ale 28:23

Asamaan fee yoorooxna a nuun xan a naag kaŋ nen xanjar, soo lanq ke nu ndakaa a mbeer koroŋ nen njelem.

YEGIL MBAAX NE YEESU ne Saŋ a bindtuuna 16:23

A koom nu laamitkatiraam dara. No ndigil, no ndigil, mexe layaa a nuun ee: Nu nqeɗangaa a Faap fee tig no gon es, xan a ci’in a nuun.

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Amos 4:7

Doonaam teen xañ a nuun a teƥ boo a qool a tadak no ndiig, deɓan saax, xuur le ta detoorna, o qol a deɓel, ole ta detoorna a ga’aƭar o ndoq, duufe um fop a weer.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Heseki’el 34:26

Xam fi a den fo me widna ñaang le mi a cur barke. Xam hebliid a teƥ ale na waxtu um, too xan a ref a teƥ barke.

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Yeremi 10:13

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keegand ke ten.

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Xa peƭit axe 16:15

A tagid a letu no maad kaa woornaa o ñoow, yirmande um a ref nen a teƥ ngam.

A kim a tedu ke 104:13

Took-ee-took asamaan fodo, deɓaa took xa coong axe, lanq ke a ndeyƭoox na xa tim axe no jale of.

Yeremi 51:16

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keekand ke ten.

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

1 Korint 3:6

Kaam jimb, Apolos a soor, Roog a maakin ndaxar ne.

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

A kim a tedu ke 72:6

Xan a fudooxiid nen a teƥ alaa na yuuraa took o saawit o gube, nen mbuyaam naa na sooraa lanq ke.

Ke bindeena no xe ne’eena YOB 29:23

Kaa da cungoogaam ne a teƥ ale a cungteel, a tayaa fa lay es nen ngam.

A kim a tedu ke 135:7

Kaa yoɗtaa a eel ake no cat ke no lanq ke, a fi’aa xa kiiñaand, a yurdiid a teƥ ale soo a suttaa nqeñ ne no pand ke ten.

Yeremi 5:24

Layee taa kam den ee: ‹Fat i saɗar o Yaal oxe Roog in, ten oxe na ci’taa a teƥ na waxtu um, ta ref na sarandam fo no seek o deɓ, soo a kesan a in a pe ake na saxad ale.›