Sakari 1:5 - NQAARIIT NE ROOG

⁵ Taa daan we nuun? Ndax duleer we a maada ñoowaa boo fa ndiik?

Sakari 1:5 Referans Kwoze

O baawaare xe 12:5

yaa a ñaang ake a saɗareel, o ñaaƴ na ƭat ale a wooraƭarat, piɗ tan a muurat ndaxar ne, soƈ a ɗooqooxataa, fop a maasat ƴam, yaam o kiin oxe kaa xaadaa no ngenand um ne na refkaa boo faw, soo loolool we a mbaafraa no mbed ne.

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.

A pi ake 13:36

Dawid a fi’a ke o Yaal oxe a bugna na jamaane um. Cinj kaaga, a xona, a gasel paam daan waa ten, too a fota.

YEGIL MBAAX NE YEESU ne Saŋ a bindtuuna 8:52

Maaga, Yaawuur waa a mboola a layin ee: «Ahaa! Refee tige a feedatinooxa! Wo kañ, jini damong! E, Abraham a xon, duleer we a nqon, soo o fi nene layik ee: Oxuu gayna a ƭelem es xonkee muk!

O baawaare xe 1:4

Suk kaa mbaafaa, suk lakas a ngar, ndaa lanq ke mat kaa maadaa boo kili.

A kim a tedu ke 90:10

Xa kiid in owe ngape no qarɓeen ɓetuu ƭik, we moƴna mbel njelem a ndetaa boo no qarɓeen ɓetuu tadik, ndaa o lorax fo coono doŋ a nqottaa teen, yaam o ñoow miñee dara, soo i yet fir.

Yeremi 36:28

«Dakooxi waaƭ o laxas safe lakas too bindahin teen fa lay fee fop reeƭna no laxas safe eetaand ole Yoyakim fee o maad Yudaa a doxna.

A ƭomatax ake 5:7

Daan in mbakaadu, ndaa maadatee, soo i ngomaa coono ke no njofaƭar den.

1 Sami’el 25:1

Sami’el a xona, too Ii-isra’el we fop a mbokatoora, ndax da mboyin. A ngasaan na teeru faa Rama, me ta gen’ina. Cinj kaaga, Dawid a inooxa, a ret na koƥ-a-ƥor alaa Paaraan.

2 Maad we 13:14

Ye Eliise a yenna jir le ñaamuuna, Yehowas fee o maad Isra’el a reta maa ten, a lool mbaambir um, a layin ee: «Faap es! Faap es! Wo hupu a sareet-xire ke fo pis ke Isra’el fop.»

2 Maad we 13:20

Eliise a xona soo a gasel. O hiid oluu refna, a yaj no Moomowaab a njangaliidooga kam saax le Isra’el.