Sakari 1:4 - NQAARIIT NE ROOG

⁴ Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Sakari 1:4 Referans Kwoze

A kim a tedu ke 78:8

Neene, nandkee fo daan den, ndefna suk ƥoowu too a nanaƭar, suk naa njegna a yiif-a-ƭak, too a qeeñ den ndamooxee na Roog.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Sakari 1:3

Ndiiki koy, fat o lay Ii-isra’el we yee: ‹Nomtooxiidyo me mi, too xam nomtooxiid me nuun. Mi o Yaal oxe Hupna fop layun.

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

Mise 2:6

A jega waa na layaxam ee: «Ba o lay xa ƥaral! Baa padafuleer nandu neene a yegnitel! Gaci faaga dalkee a in muk!

Amos 5:24

Ke buguuma refu a ƭat ale na xayaa nen a ƈufnand, o cofel ole na ɓunaa nen xur fa ŋiiskeer.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Yeremi 26:5

nan-giloox fa lay no duleer we dag es um lultiidaa a nuun roog fuu feedna, too nu nan-gilooxee a den.

Yeremi 18:11

Ndiiki koy, layi wiin we Yudaa fo we ngenna Yeerusaleem ee: Keeke o Yaal oxe a layu: Mexe fexeyanaa a nuun taamaala, yuuɓanaa a nuun yuuƥ paaxeer. Fat oxuu refna na nuun a fes a ƭat a paaxeer um a cinj. Njagandatinyo a ƭat nuun fo a pi nuun.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Nehemi 9:16

Daan in o mat, kaa magnandoox’u, a saƭik a qoox. Nan-gilooxee kebil of,

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

2 Caloori ke 34:21

«Ndetyo laamtankaam o Yaal oxe, mi fo yoqatin we Isra’el fo we Yudaa no kaa farna no ke layeena no safe lene sogna o ga’eel, yaam fuux le no Yaal oxe a yena took in. Daan in ngayee fa lay fee no Yaal oxe too ndeefee fop ke bindeena no safe lene.»

2 Caloori ke 30:7

Ba nu nand fo daan nuun mbaat fo fog nuun we ngore’aƭar’ina no Yaal oxe Roog fee no daan den boo ta xaƴ a den da yaqel ne nu nga’oodtuuna.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 23:22

A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

Heseki’el 20:18

«Layaam xa taan den kam a koƥ-a-ƥor ale yee: Ba nu ndeef bargal ke no daan nuun, ba nu ngay kebil den, too ba nu ndoɗgandit a qoox nuun pangool ke den.

Heseki’el 33:4

Oxuu nanna fangax le na luuƥ ale, too jaɓee o maƭooxel, boo xire a gar a ñaamin, xan a gadoox fo’oy um.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

2 Caloori ke 30:6

We o maad oxe a lul’ina a ndeta kam Isra’el fa Yudaa fop, a ƥis xa leetar axe o maad oxe fo kelfa ke a mbind’ina yee: «Nuun Ii-isra’el we, nomtooxiidyo no Yaal oxe Roog fee Abraham fa Isaak fa Yakoob, ndax ta nomtooxiid me nuun, nuun yoqatin we ƥostoorna no ɓay no maad we Asuur:

Yeremi 3:14

O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

Yeremi 25:8

Ten taxu keeke o Yaal oxe Hupna fop a layu: ‹Feek nu nan-gilooxee fa lay es,

Heseki’el 14:6

Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.