Sakari 1:3 - NQAARIIT NE ROOG

³ Ndiiki koy, fat o lay Ii-isra’el we yee: ‹Nomtooxiidyo me mi, too xam nomtooxiid me nuun. Mi o Yaal oxe Hupna fop layun.

Sakari 1:3 Referans Kwoze

Malaki 3:7

No kaa xotitna no camaane kaa no daan we nuun kaa nu ngoƭatir fo kebil es, mbañ o ndeef a den. Mi o Yaal oxe Hupna fop, kaam ee: Nomtooxiidyo me mi boog, too mi yoo xam nomtooxiid me nuun, ndaa kaa nu laamtaa yee: «Xar i mbi’u boo o layaa a in keene?»,

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Nehemi 9:28

Kaa koy, yaa da mbateena mbat rek, a ndefahina no mbi’aa paaxeer mbaambir of. Maaga, waasahinaa a den na xa ƥay no fañ den, da ngal’andaa a den. A ƈufginooxahinaang, soo o fod na asamaan, nanaa a den. Kam yirmande fa maak fee wo, wataa a den a caf a mayu.

2 Caloori ke 15:4

Kaa koy, kam naqad den a nomtooxiida no Yaal oxe Roog fee Isra’el, a mbaaƭin, soo o Yaal oxe a ga’noox a den.

Ke bindeena no xe ne’eena YOB 22:23

O nomtooxiidangaa no Cegu katil oxe, sut njofaƭar ne no mbind of, xan o jegatin doole.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Heseki’el 18:19

Kaa nu layaa yee: ‹Xar taxu o ƥiy onqe naagee o gadooxaa tooñ faap um?› O nanangaan kaa o ƥiy onqe a fesoor a ƭat fo o cofel, a gay soo a reef bargal es fop, too a woora yee xan a ñoow.

2 Caloori ke 15:2

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

Heseki’el 18:32

Bugiim o leng a xon. Mbesyo pakaad nuun a cinj boog, ndax nu ñoow. Mi o Yaal oxe na refkaa boo faw layun.»