Sakari 1:16 - NQAARIIT NE ROOG

¹⁶ Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Sakari 1:16 Referans Kwoze

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

Sakari 4:9

«Xa ƥay axe Serubabel sinju Mbind nene, xa ƥay um na ƈutandkan, too xan nu and ee o Yaal oxe Hupna fop lulaxam me nuun.»

Heseki’el 47:3

Ye o koor oxe a sutooxna farna fo batand, a saq’a no ɓay um o ƥaak o liiƥir, too a liiƥa xa noonoong juni. A jootnooraxam foofi le, too foofi le a garaxam na xa pem.

Heseki’el 40:3

A ɓisaxam maaga too ga’aam o kiin oxaa o mem um a nandtoogna o mem xanjar. Kaa pokoox’u no ɓay um o ƥaak o liiƥir fo o siind o liiƥir soo a geenoox paam o don-maax ole.

Ke bindeena no xe ne’eena YOB 38:5

Ndax andaa oxe liiƥuuna? Ndi an letnu took um o ƥaak o liiƥir?

Safe le no tuleer AGE 1:14

Maaga, o Yaal oxe a jaflaxnoora a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe, fo we yoqna na xeet fee fop, boo da ngar a ndef no maxatinaa Mbind ne no Yaal oxe Roog den fee Hupna fop.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Esayi 34:11

Xan a refat ngenand a paɓaan ake fo a koƴ ake. A loy ake fo a tooq ake xan a ngen teen. O Yaal oxe xan a letin o ƥaak o liiƥir ole took um, ndax ta yoqnin o ƥor, soo a doon teen o ƥaak o fodrandir ole, ndax ta wootnin.

Esayi 12:1

A koom xan o lay ee: «O Yaal oxe, mexe simatang, yaam kaa o fuuxan’aam, ndaa fuux of a ɓoosa, too yaalaxamo.

Sakari 2:4

Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»

Sakari 10:6

Xam saƭkand mbind Yudaa, mbind Yoseef, um watin, nomtiid a den no saax den, yaam xam yirim a den. Xan a ndefat nen waa moseeruuma o deɓ yaam mi refu o Yaal oxe Roog den too xam jaɓ a qeƭ den.

Yeremi 30:18

Keeke o Yaal oxe a layu: «Xam xendandatin ƭiif ke Yakoob, yirim kenand ke ten, teeru fuu refna a maxatinel na pec um, mbind mosu nuu refna a daknel na seek a ndigil um.

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

Sakari 2:6

Laamtaanum ee: «Mam o jofaa?» A doonaxam ee: «Kaam liiƥkaa a Yeerusaleem, ndax um and ne o yaajel um fo o cigdel um a mbodkaa.»