Sakari 1:11 - NQAARIIT NE ROOG

¹¹ Maaga, ŋaaŋaay pis we a laya fa malaaka fee geenoox’ina a ndeer pafid mirti ke, a njangtooxin ee: «I mbida lanq ke, too i nga’a yee fop owey na jam fo no yaadax.»

Sakari 1:11 Referans Kwoze

Sakari 1:10

O koor oxe geenoox’ina a ndeer pafid mirti ke a doona teen ee: «Den ndefu we o Yaal oxe a lulna da mbid lanq ke.»

Sakari 1:15

too fuuxanaam tigi qeet ke njegna ne mbugna, yaam o ndik rek fuux’um, ndaa o hupal den taxu boo taamaala fee a fod neeke.

Sakari 1:8

Kam o yeng ole, daawaam mbeeñil nene: Ga’aam o koor oxaa ŋaayna pis jakeer soo a geenoox a ndeer pafid mirti kam a yulanq, too a jeg’a a cinj um pis jakeer fo oldu fo bari.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.

Mace 13:49

Naaga a refitkaa itam no paangandoong adna. Xan malaaka ke a ngar, a nqaaj soxodu we a ndeer jofu we.

Mace 13:41

O Ƥeenqe no kiin oxe xan a luliid malaaka um, ndax da ƈas kam Maat um we na tolofnooraa wiin we fo we na mbi’aa cofaƭaru.

Sakari 6:7

Pis cakeer ke kaa ƥeroogu, a tayaa ngeblel a mbidik lanq ke. O Yaal oxe a laya a den ee: «Ndetyo mbid lanq ke!» Maaga, a mbidka lanq ke.

Dañel 10:20

Maaga, a layaxam ee: ‹Ndax andaa ke taxna um gar me wo? Kaam gar ndax um andnoorong ke bindeena kam safe le no ndigil ne. Ndiiki koy, mexe nomtooxaa ndax um xire’ik fa malaaka fee na yetooxaa Persi. Mexaa maafan koy, xan malaaka fee na yetooxaa Yawan a gar, too o leng ƴufgiidkiraam, a refangee Mika’el fee na yetooxaa a Isra’el,

Esayi 14:7

Jam fo a yaadax a nomtooxiida no lanq ke fop, xa ƈeel a njibneel.

A kim a tedu ke 68:17

Wo o joong ole mayna xa cul, xar taxu o siisaa o joong ole Roog a jilna ndax ta gen teen? Iyo kañ! O Yaal oxe xan a gen teen boo faw.

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

Ke bindeena no xe ne’eena YOB 1:7

O Yaal oxe a laamta a Saytaane yee: «Ndi mam inooro?» A doona o Yaal oxe yee: «Kaam widoogu adna fee.»