Saak 5:9 - NQAARIIT NE ROOG

⁹ Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

Saak 5:9 Referans Kwoze

A paɗax ale 19:18

Ba nu ndabdinoox, too ba nu mbuuxan o pog nuun. Fat oxuu refna a fex o kend um nen a xoox um. Mi refu o Yaal oxe.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Saak 4:11

Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.

Mace 24:33

Neene itam, boo nu nga’na keene fop, andyo yee o Ƥeenqe no kiin oxe a matiida, oxe paam o don-maax ole.

1 Piyeer 4:9

Naangyo ndalniraa a ndeer nuun kam pind ke nuun, too baa ref fo a cadax.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

Galati 5:26

Ba i mbaaƭanaa a qoox in o ndam o njegee xoox. Ba i tooñraa mbaat i yaawaa tig no lakas itam.

1 Piyeer 4:5

Xan a njangtoox a pi den mbaambir Roog fee na hate’kaa ñoow we fo xon we.

Galati 5:14

Yaam kebil ke Roog fop, no ɗelem o leng kut a mbadnooru, ta ref o ɗelem olene: «Fat o fex o kend of nen a xoox of.»

1 Korint 10:11

Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

Mark 13:29

Neene itam, boo nu nga’na keene a xewaa, andyo yee o Ƥeenqe no kiin oxe a matiida, oxe paam o don-maax ole.

2 Korint 9:7

Fat oxuu refna a ci’it ke dalna no xeeñ um, too baa ref fo a tagid a ŋooɓu, baa ref itam fo a yiif-a-ƭak, yaam oxe na ci’taa fo o ɗaay soom Roog a bugu.

Mark 6:19

Herojas kaa fuuxan’u a Saŋ, too a bug’aan o warnoor, ndaa waag’iran,

A kim a tedu ke 59:15

Kaa nomtooxiidaa kirand, a ŋuuraa nen xa ƥox, a mbidaa teeru fee.

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Saak 4:12

Roog soom cooxu wiin we kebil ke. Ten soom jegu hate fee. Ten soom waagu o mucil wiin we. Ten soom waagu o saŋik a den. Wo koy, an foogo yee o ten refo, boo hate’aa o pog of?

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

Saak 5:10

Fog es, mbetandooxyo duleer we layoogna yaaga no gon le no Yaal oxe. Njangityo na den no ke da ngomna no coono, too a muñin.