Saak 5:8 - NQAARIIT NE ROOG

⁸ Nuun itam, muñityo naaga, saƭik, yaam bes fee o Yaal oxe a nomtooxiidkaa a mata.

Saak 5:8 Referans Kwoze

Saak 5:9

Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Filip 4:5

Fat wiin we fop a and o lewet nuun. O Yaal oxe a matiida!

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

Mise 7:7

Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.

A kim a tedu ke 130:5

Kaam cungaa o Yaal oxe, ngiin es fop a tayan, um hooloox fa lay um.

1 Tesalonik 1:10

cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Mberaand 49:18

O Yaal oxe, na wo geƈnooxum, ndax o mucil.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

YEGIL MBAAX NE YEESU ne Saŋ a bindtuuna 21:22

Yeesu a layaan ee: «Um bugangaa ta ñoowaa boo yaa um garkaa, xar warong teen? Wo kañ, reefaam rek!»

1 Tesalonik 2:19

Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?

Saak 5:3

Wurus nuun fa xaaliis nuun a ñaamooxa. Keene kaa lalaa a nuun ee xan fop a yaqoox. Cer ke nuun xan a yaqoox itam, wee ndax kaa ndoxel na fiɗel, yaam kaa nu ngindan a qoox nuun kalal no ñaal paktaand adna.