Saak 5:5 - NQAARIIT NE ROOG

⁵ Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

Saak 5:5 Referans Kwoze

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

YEGIL MBAAX NE YEESU ne Lik a bindtuuna 16:25

Abraham a doonaan ee: ‹O ƥees, wetandooxi yee ye nu ñoowaa, daaw’aa a las of, too Lasaar o mat a coono’oogu. Ndiiki koy, oxey meeke rek a yuunaa, soo wo o mat o coono’aa.

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Yeremi 12:3

Wo o Yaal oxe, andaxamo, kaa o ga’axam soo horooxaa xeeñ es paam of. Sayi soxodu we nen paal kaa na ƥiseel no warand, kesan a den bes fee na saŋik ale.

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Yeremi 25:34

Nuun ɗooɗox we, iinyo too mbuuq, nuun yaal xa siir axe, mbirkilooxyo a lanq, yaam ñaal ke nu nqiriskeel soo pasarel a mbadiida. Xan nu yen nen o ƥaxañ o cegu njiriiñ.

Esayi 22:13

ndaa o ɗaay fo o mbelakinax ndefu meen. Qoox ke we mbareel, paal ke a nqirseel, a tegeƴ ake a ñaameel soo biiñ fee a yereel, nu ndamtin ee: «Fat i ñaamaa, yeraa, yaam o feet i nqon.»

1 Sami’el 25:36

Ye Abigayil a fadiidna no mbind ne, a soƥa Nabal a bumbaayaa nen mbumbaay no maad. Nabal a ɗaay’a lool soo a way boo a naag nep. Abigayil koy, lay’iran o ɗelem o leng boo no feet nqes olaa.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

2 Piyeer 2:13

Neene, xan a ndaaw ndabid njofaƭar den. Kaa njegaa o ɗaay, yaa da ndeefaa a yuxum a paaxeer ake den njoloor o mbuc. A tef den, yaa da ndeerna fa nuun a ñaam fo o naxaa nuun ole na sawarnooraa a den lool, kaa ref gaci.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

Heseki’el 39:17

Wo fee o ƥiy no kiin, keeke layum, mi o Yaal oxe na refkaa boo faw: Layi o xos ndiiƭ oluu refna fo ƥaaɓaan ke na koƥ ale fop ee: Mbokatooryo, ngar, korolooxanityo muu refna sadax fee mi um ɓoxotanaa a nuun. Sadax fa maak oo took xa coong axe Isra’el. Xan nu ñaam cer, yer fo’oy.

Esayi 56:12

Kaa layaa yee: ‹Ngaryo i mbaaƭik biiñ, yer a yer a qaaɗu. O feet xan a nand nen a xaye, yaam ke yoqna waagaand tig.› »

Esayi 47:8

Ndiiki boog, nan-gilooxi, woxe na ñaamaa jamaane of, moof a paax fo o yaadax too layaa yee: ‹Mi, jegiim o nand, andkiim ke ñaaw a refna boo muk too ñakkiim xa ƥees.›

Esayi 3:16

O Yaal oxe kaa tee: «Feek xa ƥiy xa tew axe Siyoŋ kaa nga’atinoox, a ñaaƴtaa jad o cok soo a ƭeettaa nga’yaamoo, a seŋeƈaa soo a mbangnaa a ƈang-a-caf den,

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Xa peƭit axe 17:1

Mbind ne mayna fo a tegeƴ, soo qasir ke a naang kur, ñaamaa saaƈ ƥor too ndef na jam moƴun.

Xa peƭit axe 7:14

«Kaam war’u o ɓoxot sadax fa njamsa’oor, too fadnaam a tegit es xaye.

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

1 Sami’el 25:6

layin ee: ‹Yaasam o hiid ole a fel! Yaasam jam a jeg a ndeer ƥasil of fop fo no jeg ole fop.

A kim a tedu ke 73:7

Kam den kaa may fo kañaan boo a ɓaxooxaa, ke xeeñ den a galagaa a ɓek a sak.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.