Saak 5:4 - NQAARIIT NE ROOG

⁴ Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Saak 5:4 Referans Kwoze

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

Yeremi 22:13

Sabab took no xe na maxtaa mbind um njofaƭar, a yoɗaa teen taax-took na ƭat a qeleer, a jalnooraa o kend um too rabidkiran!

O leetar ole Pool a bindna GIMU WE NGENNA ROM 9:29

Esayi a yegnit’a itam yaaga yee: «Boo o Yaal oxe Hupna fop a wuusan’eerna a in xa taan xa leng-leng, nen a Sodoom i ndefkoogu, nand fa Gomoor, den we Roog a duguñ’ina.»

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

A sutax ale 22:27

Nu mbariraam o mben, mi fee Roog nuun mbaat nu saloox a kelfa xeet nuun.

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

A kim a tedu ke 9:12

Nqaananyo o Yaal oxe genna Siyoŋ, yegnit a ndeer qeet ke a pi katil um.

Ke bindeena no xe ne’eena YOB 34:28

Den taxu o neewu doole xe fo o toroxu xe a ƈufginooxaa a Roog, too kaa nanaa xa buuq den.

A sutax ale 3:9

Nanaam xa buuq axe no Ii-isra’el we too ga’aam o ñaat ole Miimisira we a toroxandtaa a den.

Mberaand 4:10

Maaga, o Yaal oxe a laya yee: «Xar fi’o? O wuuq ole no fo’oy le no ndeɓ of a jaaƥatilooxiida boo me mi.

Kolos 4:1

Nuun yaal pind ke, fat nu ñaaƴin o cofel ndeer nuun fo faɗ nuun, let a qeeñ, and ee nuun itam, nu njega o Yaal na asamaan.

Habakuk 2:11

Ɓil le sax kaa looloortang no tabax ne, soo a teex ake no bomb le a njaaɓanin.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

A cangatin ale 15:9

Fat nu mbootoox koy o njeg a qalaat a paaxeer yaam layaa taa kam nuun ee: ‹Ndiiki o hiid o ɓetuu ɗikandeer ole a gar, o hiid ole na baasan ale na xa lad axe.› Baa keene a tax nu ƭeet o pog nuun o ndoolu a ngid a pariƴ, tee kaa nu mbañan o ci tig. Maaga, a loolookangaan me no Yaal oxe yaam nuun, nuun ngadooxkoogu bakaad fee.

Esayi 5:9

Nanoodaam a qool qac xa ƭelem axeeke no Yaal oxe Hupna fop: «Mexe daaɓooxaa yee pind mayaan keene xan a yoq o ƥor. Kaam ee pind maak mosu keene xan a mbes a pec.

Mace 9:37

Maaga, a laya daalbe um ee: «A saxad ale a magna, ndaa jaajal we mayee.

Ke bindeena no xe ne’eena YOB 7:2

Kaa nand nen o paɗ oxaa na talaa yook, nen o saadlaand oxaa na cungaa ndabid um.