Saak 5:3 - NQAARIIT NE ROOG

³ Wurus nuun fa xaaliis nuun a ñaamooxa. Keene kaa lalaa a nuun ee xan fop a yaqoox. Cer ke nuun xan a yaqoox itam, wee ndax kaa ndoxel na fiɗel, yaam kaa nu ngindan a qoox nuun kalal no ñaal paktaand adna.

Saak 5:3 Referans Kwoze

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Esayi 2:2

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too xan qeet ke fop a njagin teen.

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

2 Timote 2:17

Fa lay den kaa yaqaa fop nen ngal. No wiin weene o mat, Himene fa Filet a mbogu.

Mise 4:1

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.

Mise 3:3

Kaa da listaa cer ke na xeet es, a ƭoltaa ƭool um soo a nduguñaa xa kiiƈ um. Kaa ƭegan teɓ-reɓ nen kaa na jaweel na kaleera, nen a tegeƴ kam o xuɗoox.

Yeremi 19:9

Xam ñaamnoor we ngenna na teeru fee cer na xa ƥiy xa koor axe fo na xa tew axe den, too xan a ƈaxraa a ndeer den, kam naqad fee fo o ñaat ole fañ den fo we mbugna njang o ñis den a ƥekkaa a den.

Ke bindeena no xe ne’eena YOB 16:8

Naagaxamo nuus, ta ref seede, mboraanaq ne mi a jambaxam ee mi garu fo ten.

Yosuwe 24:27

a lay xeet fee fop ee: «Nu nga’a ɓil leeke. Ten na refankaa a in seede, yaam a nana fa lay feene a ndeer in fo o Yaal oxe. Xan a refan a nuun seede, yaam ndik nu nqañ a Roog nuun.»

Mberaand 49:1

Yakoob a xoya xa ƥeem, a lay a den ee: «Mbokatooryo, um lay a nuun ke na xewkaa na nuun taa paam.

Mberaand 31:52

Juum leeke o seede yoo, betandoor keeke a ref seede ee jolkiro a den garanaxam mbaat um jol a den garanang took paaxeer.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Mberaand 31:48

Laban a laya yee: «Fat juum leeke a ref xaye o seede a ndeer es fa wo.» Ten taxu maaga a ne’el Galed.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.