Saak 5:16 - NQAARIIT NE ROOG

¹⁶ Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Saak 5:16 Referans Kwoze

Xa peƭit axe 15:29

O Yaal oxe kaa goƭaa soxodu we, ndaa kaa nan-gilooxaa a qeƭ ake no jofu we.

Mace 21:22

Kuu nu nqeɗna fo o ngim, xan nu ndaawin.»

YEGIL MBAAX NE YEESU ne Saŋ a bindtuuna 9:31

I anda toox de yee Roog naagee o jaɓaa a qeƭ no paabakaad, ndaa oxuu na niwan, a fi’aa ke ta bugna, a naagaan o jaɓanaa.

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Yeremi 33:3

Ƴufginooxaam, too xam jaaɓong, yegnong tig maak fo kaa ɗasna, andeeroona.

1Saŋ 3:22

Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

A pi ake 19:18

Mayu no waa ngim’ina a mbeejliidooga mbaambir no fop paaxeer ke da mbi’’ina.

1 Tesalonik 5:17

Naangyo o nqeɗaa ñaal fo o yeng,

Ke bindeena no xe ne’eena YOB 42:8

Ndiiki koy, mbaaƭyo qoox ɓetuu ƭik fo a suk paal ɓetuu ƭik, nu ndet maa Yob fee o tag es, ƥoxotan a qoox nuun sadax toxel. Xan o tag es Yob a xeɗan a nuun too xam jaɓ a qeƭ um boo xawkiim a nuun a qaw gaci, ke nu layaneeraxama cagu fop oo, ta guutatir fo ke o tag es Yob a fi’na.»

Mberaand 20:17

Abraham a xeɗa a Roog, soo ta wodand a Abimelek fo o teem fo jeefeer um. Rew we a mbaag’ata o njeg xa ƥiy.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

2 Caloori ke 30:20

O Yaal oxe a jaɓa a qeƭ ale Hiskiya soo a waasan xeet faa.

A lim ale 11:2

Xeet faa a mbuuqooxa a Moyiis, soo ta xeɗoox o Yaal oxe, too fiɗel le a riima.

Hebre 12:13

Naangyo o ñaaƴaa na ƭat a cofu ke, ndax a caf ale no xe na laƴaa ɓolooxkee ndaa ndax ta wod.

1 Tesalonik 5:25

Fog we, fat nu nqeɗanaa a in itam.

Mace 3:6

Saŋ a batiise’ooga a den kam Yordaan, yaa da mbeejilna pakaad den boo a ƈut.

Hebre 13:18

Ngenyo no nqeɗanaa a in boog! A woora a in ee i njega yiif dalu, yaam i mbuga o mbi ke jofna no kuu ta refna.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

O leetar ole Pool a bindna GIMU WE NGENNA ROM 5:19

Nanaƭar no kiin o leng kut oxe taxu wiin mayu a ndefat baabakaad. Neene itam, yaam o kiin o leng kut oxe nananna a Roog, mayu xan a ƭeetel nen jofu.

O leetar ole Pool a bindna GIMU WE NGENNA ROM 3:10

Keene a Pind a Tedu ke a ne’oogu ye da layna yee: «Jegee oxaa jofna mbaambir Roog, refee o leng sax.

Yosuwe 10:12

No ñaal naa o Yaal oxe a ɓoxotna Aa-amori we na xa ƥay no Ii-isra’el we, Yosuwe kaa xeɗ’u o Yaal oxe too a lay mbaambir no Ii-isra’el we yee: «Njeeƈ ne, geenooxi o yooroox a Gibe’on, wo o nqool onqe, o naag tek, yooroox a yulanq ale Ayalon.»

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Mberaand 19:29

Ye Roog a saŋkaa teeru ke no jegel olaaga Lot a gen’ina, a wetandooxa a Abraham, soo a ci a Lot ta daɗ yaq faaga.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

1 Maad we 13:6

Ndak fo ndak, o maad oxe a laya o kiin Roog oxe yee: «Ngela xeɗooxanaam o Yaal oxe Roog of, ndax um waag o nomit o ɓay es.» O kiin Roog oxe a xeɗooxa o Yaal oxe, soo o maad oxe a sog o waag o nomit o ɓay um bo ta dakoox ne ta reeƭna.

Mberaand 32:28

O koor oxe a laamtaan ee: «Nam ne’ee?» A doonaan ee: «Yakoob.»

Mberaand 20:7

Ndiiki koy, jangi o tew oxe, ɓoxotin o kor um, yaam o koor oxeene o tuleer a refu, yaaga xan a xeɗanong, too xan o ñoow. Kaa koy, o ɓoxotangiran o teem, andi yee wo fo o jeg of fop xan nu saŋkoox.»

1 Sami’el 12:18

Sami’el a ƴufginooxa o Yaal oxe, too no ñaal leng kut ne o Yaal oxe a fangna ƭuuɗ soo a deɓiid. Naaga, xeet faa fop a saɗar’ata o Yaal oxe fa Sami’el.

A sutax ale 17:11

A mbanuu Moyiis a yoɗ’ina xa ƥay um, Ii-isra’el we nqawoogu, ndaa a fudin’angaa a den, Aa-amalek we a nqawaa.

A sutax ale 9:33

Maaga, Moyiis a sutooxa mbind Firawon fee, a ret tafil teeru faa, a yoɗ xa ƥay um farna fo o Yaal oxe, a xeɗin. Ƭuuɗ ke a ngeenoox, soo a teƥ ale na kalam a ƥuuɓu ke a simid.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

YEGIL MBAAX NE YEESU ne Lik a bindtuuna 9:6

A ndalfooxa o ndet, a ñaaƴaa ndeer saate fa saate, a yegnitaa Yegil mbaax ne, soo a mbodandaa jiru we muu refna.

2 Sami’el 19:19

A saxaar o maag ale warna o jootin ƥasil ne no maad oxe a xaañta o maag o maas olaa, ne o maad oxe a bugit’uuna. Ye o maad oxe a jootna o maag o maas olaa, Simey fee o ƥiy Gera a deɓooxa na caf um, a gung

1 Sami’el 12:17

Mee ndax na waxtu fee na saxad ale na bele fee i ndefu! Xam ƴufginoox o Yaal oxe, too xan a fangin ƭuuɗ soo a deɓiid. Neene, xan nu and too nga ee ke nu mbi’na, faaxee na kid no Yaal oxe, ye nu nqeɗna o maad.»

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

Mark 1:5

Wiin we no jegel ole Yudee fo we ngenna Yeerusaleem fop a ndetooga maa Saŋ, too a batiise’ooga a den kam o xuluɓ ole Yordaan, cinj yaa da mbeejilna pakaad den.

A pi ake 8:24

Maaga, Simoŋ a doona a Piyeer fa Saŋ ee: «Nuun itam, nqeɗanaamoo o Yaal oxe, ndax dara no ke nu layna daawkiraam.»

1 Sami’el 1:12

Ne Xaan a miñ’ina na qeƭ lool, a taxa Eeli a ref no horooxan.