Saak 5:13 - NQAARIIT NE ROOG

¹³ O leng na nuun a refangaa na coono, fat a ƴufginoox a Roog. O leng na nuun a felakinooxangaa itam, fat a xaanan a Roog.

Saak 5:13 Referans Kwoze

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

Efees 5:19

Naangyo saƭakinraa a ndeer nuun fo a kim a tedu, nqaananaa a Roog, mbi’tin itam a kim akaa inoorna no Yiif le Roog. Kaam ee ngimanyo o Yaal oxe, too simatin fo a qeeñ nuun fop.

Yoona 2:2

Ye Yoona a refna kam o fud ole no liƥ ne, a xeɗa o Yaal oxe Roog um,

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

Yoona 2:7

Kaam ɗuuɗoox’u ɗuga xa coong axe, soo a kinglir ake jaaniif a mbegooraam boo kili. Kaa koy, wo o Yaal oxe Roog es, wo o mat ɗuqtitiidaxam fo o ñoow no duf-ee-duf laa jaaniif.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

YEGIL MBAAX NE YEESU ne Lik a bindtuuna 22:44

Ne ta naqadiloox’ina, a dakooxa o xeɗ fo daalbe waa ten, too onj le ten kaa fi’’u nen toq fo’oy kaa na yenaa a lanq.]

Mace 26:30

Cinj kaaga, a ngima a kim a tedu boo a ƈut, soo a ndet no Joong olaa no taxar oliiw kaa.

Dañel 5:4

Den fop a yera biiñ soo a ndef no simataa roog ke mbi’teena wurus, xaaliis, xanjar, njelem, a teex fo a ƥil.

A kim a tedu ke 118:5

Kam ee kam naqad fee ƴufginooxaam o Yaal oxe, too a jaaɓaxam, a ɓisaam maa yaadoortuuma.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

Mbeeñil 7:10

Maaga, kaa mbalalooxoogu yee: «A muc ale in kaa inoor na Roog in, ten fee moofna no gamb no maad le, a inoor no Mbaal onqe itam.»

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

YEGIL MBAAX NE YEESU ne Lik a bindtuuna 23:42

Maaga, a laya a Yeesu yee: «Yeesu, ngela wetandooxaam yaa o rokkaa no maat of!»

Mise 4:5

Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.

A kim a tedu ke 105:2

Ngimaneenoo, nqaanin, layit com’andtu ke ta fi’na fop.

A kim a tedu ke 95:2

Fat i ndet mbaambir um, ƥoxotin o ngidim. Fat i soroxole’anin, yoonandtin a kim,

A kim a tedu ke 18:6

A ceng ake jaaniif kaa mbid’aam o kurul-keƥ, pog ke na fa nqon fee a mbodaam mbaambir.

Ke bindeena no xe ne’eena YOB 33:26

A xeɗangaa a Roog, xan a jaaɓin. Xan a faɗooxan fo xa ƈeel, yaam ne Roog a daknuuna no sagu um.

1 Caloori ke 16:9

Ngimaneenoo, nqaanin, layit com’andtu ke ta fi’na fop.

Esayi 65:14

Dag es xan a sawar tigi boo a ƈeelaa yaam o mbelakinax, ndaa nuun o mat, xan nu mbuuqaa yaam o ƭomel. Xan nu ƭomatooxaa, a qeeñ nuun a ngooy.»

1 Korint 14:15

Yaaga koy, xar na fi’keel? Xeɗaa fo yiif, xeɗtaa o and, gimaa fo yiif, gimtaa o and.

Saak 5:10

Fog es, mbetandooxyo duleer we layoogna yaaga no gon le no Yaal oxe. Njangityo na den no ke da ngomna no coono, too a muñin.