Saak 5:11 - NQAARIIT NE ROOG

¹¹ In we layaa yee a ƭaaya, yaam kaa da saƭik’u. Yob o mat, nu nana boo ƈut o saƭkel ole ten. Nu andahina ke o Yaal oxe a coox’uuna cinj ƭeetlax ke ten. No ndigil, o Yaal oxe a yirma wiin we, a naaga o fi’anaa a den paax.

Saak 5:11 Referans Kwoze

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

Ke bindeena no xe ne’eena YOB 2:10

Kaa koy, Yob a doonaan ee: «Kaa o laytaa nen o tew o cegee yiif! Feek i njaɓa ndaawit na Roog paax kañ, i mbara njaɓ o ndaawit no ten paaxeer itam.» No kaaga fop koy, Yob bakaadee na fa lay um.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

YEGIL MBAAX NE YEESU ne Lik a bindtuuna 6:36

Saqyo yirmande ne Faap nuun a saqitna yirmande.»

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

A kim a tedu ke 103:8

O Yaal oxe kaa jeg yirmande, a yaaj kam, a muñantaa soo a may fo o mbeq.

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

Hebre 10:39

In koy, i mbogee no we na nomtooxaa a cinj soo a mo, ndaa no we njegna o ngim onqaa mucilna a den i mbogu.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

1 Caloori ke 21:13

Dawid a doonaan ee: «Mi koy de jaaxɗaam lool, ndaa koy, o yen na xa ƥay no Yaal oxe moƴanaxam o yen no axe no wiin we, yaam o Yaal oxe a naaga o yirmaa.»

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

YEGIL MBAAX NE YEESU ne Lik a bindtuuna 1:50

Xan a yirim we saɗaruuna na xa taan boo na xa tanaraat.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Yowel 2:13

Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

Esayi 63:7

Kaam yegnitaa a pi yirmande ke no Yaal oxe, a tagas ake ten no paax ke ta fi’anna a in fop. Kaam yegnitaa o paaxel um no mbind Isra’el, paax ke ta fi’anna a den fop no mbeq um fo na yirmande um fa mbagkatar.

O baawaare xe 7:8

O ƴutand tig moƴu o sogan o fer, jeg o muñ a moƴ a magnandax.

A kim a tedu ke 119:132

Geleerooxi farna fa mi too yirmaam, ne ta helitna no we mbexna gon of.

A kim a tedu ke 116:5

O Yaal oxe kaa yaaj kam too a jof, kaam ee Roog in kaa jeg yirmande.

A kim a tedu ke 103:13

Ne faap a jegitna yirmande na xa ƥeem, neene o Yaal oxe a jegtu yirmande no we saɗaruuna,

A kim a tedu ke 94:12

O Yaal oxe, oxe o yaraa soo aqatintan kebil of a ɗaaya.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 78:38

Ten oxe mayna yirmande o mat a waasantooga tooñ den, a fañat o saŋik a den. A yooɓ’a o ɓoosdandaa fuux um soo a riimin fuux ɗomu le ten,

A kim a tedu ke 37:37

Horooxi o kiin oxe ñakna ƥanjel, ɗeet a paax o booru xe, yaam o kiin jam muj fa mbaax rek a jegaa,

Ke bindeena no xe ne’eena YOB 23:10

Yaag oo toox de, Roog a anda o jaf oluu um dakaa. A ɗeetlooxangaam boo a ƴut, xam sutoox teen qac nen wurus faa sutteena no jawir um.

Ke bindeena no xe ne’eena YOB 1:2

A jeg’a xa ƥiy xa koor ɓetaa ƭaq fo xa ƥiy xa tew xa tadaq,

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

2 Caloori ke 30:9

Nu nomtooxiidangaa me no Yaal oxe, xeƈa xan we ƥisna fog nuun took o hup doole a yirim a den soo a nqaƴ a den da nomtooxiid kam saax leeke, yaam o Yaal oxe Roog nuun a naaga o yirmaa too kaa may fo o paaxel. Nu nomtooxiidangaa no ten, xuunkee a nuun.»

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

A kim a tedu ke 145:8

O Yaal oxe kaa yaaj kam, a jeg yirmande, a muñantaa soo a may fo o mbeq.

A kim a tedu ke 51:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

Nehemi 9:31

Kaa koy, kam yirmande fa maak fee wo, moocandiro a den too waasiro a den, yaam Roog fa yaaju kam refo too may yirmande.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Saak 1:2

Fog es, nu yenangaa no ƭeetlax mayu, mbelakinooxyo a paax,

1 Piyeer 3:14

A soƥangaa sax ee, kaa nu coono’aa yaa nu mbi’aa ke jofna, nu ƭaaya. Ba nu saɗar ke wiin we a saɗaraa, too ba nu njaaxiɗ.

YEGIL MBAAX NE YEESU ne Lik a bindtuuna 11:10

Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.