Saak 5:1 - NQAARIIT NE ROOG

¹ Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

Saak 5:1 Referans Kwoze

Xa peƭit axe 11:28

Oxe gaɗna o ñoow um na halal um xan a jiƭtoox, jofu we mat xan a neq nen ndaxar neepu.

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Xa peƭit axe 11:4

Na bes fee no fuux le Roog halal fee ɗaxkee tus, o cofel ole mat kaa wataa na fa nqon.

Saak 1:11

Njeeƈ ne a sumangaa, kaa doxaa piɗ ke, a naf ake a ƥooroox, piɗ ke a sam, o mosel den a mo. Neene o yaal halal oxe a sooƴitkaa kam kos-kos um.

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Saak 4:13

Nan-gilooxyo fa lay es, nuun we na layaa yee: «Xaye mbaat o feet xan i ndet na teeru, moof maaga o hiid, njula’aa ndax i njeg xaaliis fa mayu.»

Saak 2:6

Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

Yowel 1:11

Xooxoox we a njaqa, yaal a ƭing taxar biiñ ake a ƭomatooxaa, yaam ne bele fee fa lorso fee a ñakeena, saxade le na xa qol axe a yaqoox.

Yowel 1:5

Nuun waaway we, yokooxyo too lool! Nuun yeeyer we na biiñ fee, ƭomatooxyo, yaam o ngoon onqe na xa tim biiñ axe fadkatee na xa ton nuun.

Heseki’el 19:2

Fat o lay ee: Cey, ya of soo reeƭu njogoy ƥasil ndeer cogoy ke. Kaa wondoox’u a ndeer fo njogoy fo njanglax ne, a ñoownaa xa ƥeem.

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

Esayi 15:3

Xa saaku soom na nderooxateel no ped ke no teeru ke, fop a ƭomatooxaa took taax ke fo no paayo ke soo a yuurnaa xa kooniit.

Heseki’el 30:2

«Wo fee o ƥiy no kiin, jo’tanaam! Fat o lay ee: Keeke o Yaal oxe na refkaa boo faw a layu: Ƭomatooxyo yee: Cey, koo bes fene!