Saak 4:9 - NQAARIIT NE ROOG

⁹ Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

Saak 4:9 Referans Kwoze

Mace 5:4

We naqadilooxna a ƭaaya, yaam xan Roog a yaal a den!

Xa peƭit axe 14:13

O kiin a waaga ƴeelaa, too xeeñ um a naqadiloox, o ɗaay a fagangaa, naqad yoqu.

YEGIL MBAAX NE YEESU ne Lik a bindtuuna 6:25

Ndaw sabab took nuun, nuun we ñaamna ndiiki boo ngiñ, yaam xan nu nqeexel! Ndaw sabab took nuun, nuun we na njalooxaa ndiiki, yaam xan nu ndef no ƭomatax maak fo xa lool!

A kim a tedu ke 119:67

Kaam mo’’u mir yaaga neewandaandeem, ndaa ndiiki o ñuxur of um gayaa.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

YEGIL MBAAX NE YEESU ne Lik a bindtuuna 16:25

Abraham a doonaan ee: ‹O ƥees, wetandooxi yee ye nu ñoowaa, daaw’aa a las of, too Lasaar o mat a coono’oogu. Ndiiki koy, oxey meeke rek a yuunaa, soo wo o mat o coono’aa.

Ke bindeena no xe ne’eena YOB 30:31

O nqilimb es kaa refat pakir a mboy, a liit es a fangnataa a ƭomatax.

YEGIL MBAAX NE YEESU ne Lik a bindtuuna 6:21

Nuun we nqeexeena ndiiki, nu ƭaaya, yaam xan nu ngiñ! Nuun we naqadilooxna ndiiki, nu ƭaaya, yaam xan nu sawar!

A ƭomatax ake 5:15

O ɗaay a ñufa na qeeñ in, o mbec in a suptoox ñaawax.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

O baawaare xe 2:2

Layaam no cal ke yee: «Cegee xoox oo!», soo o ɗaay ole, um layin ee: «Xar a ɗaxu?»

A kim a tedu ke 119:71

Paax oo na mi ye neewandeema, yaam a aqatinaxam ke dalnoona.

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

Nehemi 8:9

Xeet fee fop kaa looloogu, ye da nanna fa lay fee no kebil ke. Maaga, Nehemi fee gofornoor, Esdaraas fee o saasadax, too a ref itam o caajangin oxaa andna kebil ke fo Leelewi we njangnoogna xeet fee a laya a den fop ee: «Bes fene kaa kesanel o Yaal oxe Roog nuun! Ba nu naqadiloox too ba nu lool!»

Mace 21:41

Wiin waa a ndoona a Yeesu yee: «Xan a war wiin faaxeer waaga a bar a parƴu, too xan a doxin a ƭing alaa xooxoox lakas waa na njaɓkaa o nqaajir fo ten saxade le.»