Saak 4:8 - NQAARIIT NE ROOG

⁸ Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

Saak 4:8 Referans Kwoze

A kim a tedu ke 145:18

O Yaal oxe xe paam no we na ƈufginooxan fop, paam no fop we na ƈufginoortan ndigil.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Malaki 3:7

No kaa xotitna no camaane kaa no daan we nuun kaa nu ngoƭatir fo kebil es, mbañ o ndeef a den. Mi o Yaal oxe Hupna fop, kaam ee: Nomtooxiidyo me mi boog, too mi yoo xam nomtooxiid me nuun, ndaa kaa nu laamtaa yee: «Xar i mbi’u boo o layaa a in keene?»,

Sakari 1:3

Ndiiki koy, fat o lay Ii-isra’el we yee: ‹Nomtooxiidyo me mi, too xam nomtooxiid me nuun. Mi o Yaal oxe Hupna fop layun.

2 Caloori ke 15:2

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

Hebre 7:19

yaam kebil ke Moyiis mbaagee o tax o leng a ñak sik. Kaa koy, yaakaar ne moƴna a jega, too a taxa i matiid a Roog.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

A kim a tedu ke 73:28

Mi o mat, o ɗaay es refu um mat a Roog. No Yaal oxe na refkaa boo faw um jaɓnooxaa, lambnaa a pi um fop.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

Mace 12:33

«Nu mbugangaa o njeg xa tim xa paax, nduufyo ndaxar mbaax! Nu njegangaa ndaxar mbaaxeer, xan nu njeg xa tim xa paaxeer. Ndaxar no rim ole a andditeel.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

A kim a tedu ke 18:20

A gifaxam, a ɓisaam maa yaadoortuuma, a muclaam, yaam kaa fexaam.

Saak 1:8

Kaa ref o kiin o kid-a-ƭaku, a ceek-ceeknaa no kuu refna.

A kim a tedu ke 26:6

Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

A pi ake 15:9

Roog koy, fi’ee njektir leng a ndeer in fa den, yaam o ngim a xoolandtu a qeeñ den.

Mberaand 18:23

Abraham a matiida, soo a lay ee: «Ndax xan o saŋkandoor o cofu fo o soxodu xe?

Ke bindeena no xe ne’eena YOB 16:17

Yaag oo toox de xa ƥay es yednee, too a qeƭ es mosee ñak o xool.

Mace 15:2

«Xar taxu daalbe of naangee o mbi’aa ke o mbaax onqe no maak we a layna, yaam njapkee yaa da mbugna o ñaam?»

Yeremi 4:11

Na jamaane faaga, xeet fene fa Yeerusaleem xan a layel ee: «Nqeñ sumu jip ne xe hatiidaa na xa coong axe naangna halit kam a koƥ-a-ƥor alaa, a jagin farna fa xeet es. Refee koy nqeñ naa na feesteel bele.

Ke bindeena no xe ne’eena YOB 9:30

Um ɓogooxangaa fo saafu sax oo, laxadit xa ƥay es weexal,

Esayi 13:15

We na nga’keel fop xan a ndibel, oxuu dameena a warel.

A kim a tedu ke 73:13

Yaaga boog xeeñ xoolu es fo xa ƥay es axe mbi’eerna paaxeer leng kasaara yoo.

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

1 Sami’el 14:35

Neene Sawul a maxantu o Yaal oxe o sadaxand. Kaaga reeƭu o sadaxand o feraand ole ta maxanna o Yaal oxe.

A kim a tedu ke 119:113

Kaam sib we ngid-a-ƭakna soo fex a cangin of.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

A ƭomatax ake 3:57

A koom alaa ƴufginooxoonga, matiidaa soo lay ee: «Ba o diid!»