Saak 4:6 - NQAARIIT NE ROOG

⁶ A ci’a a in yirmande faa hupna fop. Kaa nand nen ke layeena kam a Pind a Tedu ke yee: «Roog a faña we na magnandooxaa, ndaa a yirma we neewandooxna.»

Saak 4:6 Referans Kwoze

Mace 23:12

Oxuu magnandooxna, xan a neewandel, too oxuu neewandooxna, xan a yoɗel.»

Xa peƭit axe 3:34

Kaa xaadnooxaa xaaxaadnax we, ndaa kaa yirmaa neewandooxu we.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

A kim a tedu ke 138:6

O Yaal oxe xaay took-ee-took, ndaa yaqanee ta ga’aa oxe xeefeena soo a andditaa koƭu oxe magnandooxna.

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

Xa peƭit axe 22:4

A neewandax fo o saɗar o Yaal oxe kaa rimaa halal fo o ndam fo o ñoow.

YEGIL MBAAX NE YEESU ne Lik a bindtuuna 14:11

Yaam oxuu magnandooxna xan a neewandel, too oxuu neewandooxna xan a yoɗel.»

Esayi 2:17

O kiin oxe magnandooxna xan a lupandoox, soo o kiin o maak oxe a neewandel. Na bes faaga, o Yaal oxe soom na andkeel nen oxaa yoɗooxna,

Ke bindeena no xe ne’eena YOB 22:29

Boo Roog a yisinna o kiin, kaa o layaa yee a magnandax um taxun, ndaa pexey oo naa Roog a muclitan.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

YEGIL MBAAX NE YEESU ne Lik a bindtuuna 1:52

A maafa katil no maad we, a yoɗ we neewandooxna.

Xa peƭit axe 15:33

No saɗar o Yaal oxe o jeg-yiif a aqatoorteel, a neewandax a adooxanaa o ndam.

2 Caloori ke 33:12

Ye ta refna na naqad, a xeɗooxa o Yaal oxe Roog um, a neewandoox tigi mbaambir Roog fee no daan um.

1 Sami’el 2:3

Ba nu ndupataa fa lay fa njegee xoox, magnandooxaa na fa lay nuun, yaam o Yaal oxe kaa ref Roog faa dara kunpa’eerna too ten na hate’aa a pi no kiin oxuu refna.

2 Caloori ke 34:27

boo ta duq xeeñ of. Neewandooxaa mbaambir Roog, ye nanoona ke ta fosooxan’ina o mbiñ onqene fo we ngenna teen. Neewandooxaa mbaambir es, faar toki of, lool ciic mbaambir es. Ten taxu mi o Yaal oxe, mexe yegnang ee nanaaxoong.

2 Caloori ke 32:26

Hiskiya fo wiin we Yeerusaleem a anddilooxa tooñ den. Ten taxu fuux le no Yaal oxe biltooxanee a den no ñoow Hiskiya.

Mace 13:12

Oxe jegna xan a ci’el, too xan a mayiƭ. Oxe jegeerna o mat, onqe ta jegna sax xan a jaɓel.

2 Caloori ke 33:23

Kaa koy, neewandooxee mbaambir no Yaal oxe ne Manaase fee faap um a neewandooxit’ina, a refangeerna a moƴ o bakaadaa.

A sutax ale 18:11

Ndiiki koy, andataam ee o Yaal oxe moƴu magin roog ke fop, yaam o ɓay um a dala took Miimisira we ye da toroxandaa Ii-isra’el we.»

Esayi 54:7

O ngap o neewu waas’aaxoong, ndaa kam o mbeq o maak onqe mi xam xotatinong.

A kim a tedu ke 9:12

Nqaananyo o Yaal oxe genna Siyoŋ, yegnit a ndeer qeet ke a pi katil um.

2 Caloori ke 33:19

A qeƭ ale ten fo ne Roog a jaaɓtuuna, tooñ ke ten fo ngore’aƭar ne ten, fo mbiñ ne ta max’ina a ñaang a sadaxand ake, soo a lup maaga xa taaƴ axe Asera fo nitaal ke yaaga neewandooxafulee, keene fop kaa mbindel no «Safe le Hosay».

Saak 4:10

Neewandooxyo mbaambir Roog, ndax ta yoɗ a nuun.