Saak 4:5 - NQAARIIT NE ROOG

⁵ Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»

Saak 4:5 Referans Kwoze

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

A lim ale 11:29

Moyiis a doonaan ee: «Ndax kaa o naalaxam! Um waag’angaan xeet fee no Yaal oxe fop a tapoor, a ndef duleer, yaam o Yaal oxe a fudin Yiif um took den.»

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

A kim a tedu ke 37:1

A kim alaa fogna na ke Dawid oo. We na mbi’aa paaxeer baa mbuuxnoorong, we na mbi’aa njofaƭar baa ƥekong ciis,

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 37:11

Ciis maak a dama fog faap we ten, ndaa faap um o mat a geeka xa ƭaaɗ axeene no yiif um.

Mberaand 30:1

Ye Rakel a ga’na yee rimee fa Yakoob, a dalfooxa o naalaa a Leya fee o maag um, soo a lay a Yakoob ee: «Kaa o rimkaa fa mi mbaat um xon!»

Mberaand 26:14

A jeg’a a ked fo xa siir xa mayu fo dag mayu. Fiifilista we kaa siisoogatu a Isaak sax.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

A pi ake 7:9

Daan maak in waaga kaa siis’u a Yoseef boo a njikooxin, ndax ta refik o paɗ no saax laa Misira. Kaa koy, Roog a reeƭa fo ten,

YEGIL MBAAX NE YEESU ne Saŋ a bindtuuna 10:35

A layange kañ ee we fa lay fee Roog a doxneena roog a ndefu, e too a pind ake mbaagaand o sañit,

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

Xa peƭit axe 21:10

O soxodu xe, paaxeer rek a xememaa, naagee yirmaa a xaariit um sax.

A kim a tedu ke 106:16

No saŋe ne, a siisa a Moyiis fa Aaroon fee kesan’eena o Yaal oxe.

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.

O leetar ole Pool a bindna GIMU WE NGENNA ROM 9:17

Keeke Roog a lay’u a Firawon fee o maad Misira kam a Pind a Tedu ke: «Dodaaxoong o ref o maad Misira, ndax um laltit na wo katil es, soo gon es a yegnitel kam adna fee fop.»

Esayi 11:13

Maaga, xan ciis ne Efrayim a wat soo o feƭar-fo’oy ole Yudaa a ñuf. Efrayim siiskatee a Yudaa, too Yudaa itam fañirkatee fa Efrayim.

YEGIL MBAAX NE YEESU ne Saŋ a bindtuuna 19:37

A jega maa a Pind a Tedu ke a laytahinna yee: «Xan a ndaxaaƴooxaa oxe da ndibna.»

YEGIL MBAAX NE YEESU ne Saŋ a bindtuuna 7:42

Kaa a Pind a Tedu ke layee yee Kiristaa fee no kurcala Dawid a hatkaa? Kaa ndoonee teen ee Betleheem fee refna teeru faa Dawid a waru o inoor?»

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Mberaand 38:9

Onan a anda yee xa ƥiy axe na ndimkeel ƭeetkaand nen xa ƥeem. Ten taxu a ɓaxooga koogoor um a lanq a mbanuu ta yoonna fo o tew oxe no maag um, ndax rimankee o maag um xa ƥiy.