Saak 4:2 - NQAARIIT NE ROOG

² Kaa nu yaawaa tig oo tig, ndaa nu naangee o ndaawaa a den. Kaa nu yaawaa o kiin boo mbugin o mbar, too tus teen ɓekee a nuun no jeg, ndax a riñaa a nuun no qasir fo a ñoq. Nu naangee o njegaa ke nu mbugna, yaam nu naangiran o nqeɗaa a Roog.

Saak 4:2 Referans Kwoze

YEGIL MBAAX NE YEESU ne Saŋ a bindtuuna 16:24

Boo ndiik nu nqeɗtee gon es. Nqeɗyo, too xan nu ci’el, ndax o ɗaay nuun a ñak sik.»

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

Xa peƭit axe 1:19

Kene refu a las no we na nguuɗaa: Nguuƭ na warkaa a den.

Habakuk 2:5

«Halal kaa hodaa, too o magnandooxu xe miñkee meen, ten fee ɗaayna o don boo ta sis nen a jaaniif, ten fee deyƭooxkeerna muk nen fa nqon fee, a fokatanooxaa a saax ake, a koltirandaa qeet ke fop paam um.»

Esayi 7:12

Ahas a doona yee: «Ha’aa, xeɗkiim dara, ɗeetlooxkiim o Yaal oxe.»

O baawaare xe 4:8

O kiin oxey a yoq koƭong, refee fo o lakas, jegee o ƥiy mbaat o pog oxaa matuuna, ndaa yaqanee calel um njegee ngakand, too a kid um mbaagee ndeyƭoox na halal. Naagee laamtooxaa yee: «Ndi an um jalanaa boog soo xañtaa a xoox es baneex?» Keene kasaara a refahinu fo calel ƭaxee tig.

Saak 5:6

We mbi’eerna paaxeer, kaa nu ƭeganaa a den hate, mbaraa a den itam, too mbañlooxanee a nuun dara.

1Saŋ 3:15

Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.

1 Maad we 21:6

O maad oxe a doonaan ee: «Kaam lay a Naboot fee genna Yisre’el ee: ‹Jikooxaam a ƭing taxar biiñ ale wo mbaat a moƴanangaang, o sofanaam o ten fo a lakas›, ndaa kaa doonaam ee: ‹Cooxkiroong a ƭing taxar biiñ ale mi!› »