Saak 4:14 - NQAARIIT NE ROOG

¹⁴ Nuun we na laytaa naaga, ndax nu anda ke na xewkaa o feet? Kaa nu ndef nen liim: Njeeƈ ne a xawangaan ta sam.

Saak 4:14 Referans Kwoze

1 Piyeer 1:24

Yaam a binde yee: «Cer kuu ndefna kaa nand nen daaƭ, soo o ndam um fop a ref nen piɗ daaƭ. Daaƭ le xan a weer, soo piɗ ke a yen a lanq,

A kim a tedu ke 39:5

O Yaal oxe, andnooraam ee xan o ñoow es a fag. Kaam ee andnooraam ee o ñoow es a jega hap, ndax um and ne xuuɗaƭartuuma.

1Saŋ 2:17

Adna feene koy fo a yaaw um, kaa mbaafaa, ndaa oxe na fi’aa ke Faap fee a bugna, xan a maadaa boo kili.

A kim a tedu ke 102:3

Ba o ɗasnaam mukit of, yaa refuuma na naqad. Rungi nof of farna fa mi, yaa um ƴufginooxaa, ñof o jaaɓaam.

Saak 1:10

o yaal halal a fakoox itam, yaam ne Roog a fudnuuna, a andnoorin ee xan a xon, ne mbiɗ a suptoortaa ñofu.

A kim a tedu ke 89:47

O Yaal oxe, kaa o laqooxkaa neeke boo a mban? Ndax fuux le wo kaa bugko kaƥaa cay nen fiɗel?

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Esayi 38:12

Ngenand es kaa baytel nen ƭiif no kaynaak, a joorel maa goƭaxama. Kaam dor o ñoow es nen o tiiriw a tiwand oxaa muukna o eed um boo a ɗegiidaa xa ƥaak axe. O Yaal oxe, no ñaal ne fop kaa o ñaatnoogaam,

A kim a tedu ke 78:39

yaam a wetandoox ee wiin doŋ a ndefu, a ƥay alaa na retaa too dakooxiidkee.

A kim a tedu ke 144:4

O kiin nqeñ soom a refu, a pe um a nand fo yook ne na faafaa.

Xa peƭit axe 27:1

Ba o fakooxan o feet, yaam andiro ke o feet a rimkaa.

Esayi 2:22

Mbaasyo ngoolooxaa o kiin oxe o ñoow um a hapeena no haaƭ soom. Ndi xar refu o njiriiñ um?

2 Sami’el 19:34

O maad oxe a laya a Barsilay ee: «Gariidi, yoon fa mi Yeerusaleem, too xam saqong maaga.»